ايش رايكم بالدكتور حرب لعلاج اللحميه

السلام عليكم

عندي ابني عمره خمس شهور

من كان صغير وهو عنده صوت بانفه ودايم متسكر وماكان يقدر يرضع زين لانه يصير كانه يشرق

لما صار عمره شهرين قال الدكتور 80% حساسية انف

واحتمال ضئيل لحميه لكن هي ماتبين الا بعد اربع شهور

سوينا له اشعه اليوم وقال لحميه مسكره 60% من مجرى التنفس

لكنه يقول حجمها مو كبير ومايحتاج عمليه وقالي استمر على المحلول الملحي فقط

وبعد ست شهور نكشف مره ثانيه علشان نشوف اذا تغير حجمها ولا لأ

المهم اني ماقدر انتظر ست شهور لانه مايرضع كويس وصعبه اخليه كل المده هذي

وسمعت عن الدكتور حرب الهرفي وانه يعطي علاج لبعض الحالات

فياليت اللي تعرف عنه شي تفيدني مشكوره

وسمعت انه غالي مره وعنده زحمه

3 تعليق 2,746 مشاهدة

شاركي في النقاش

سجلي الدخول لإضافة تعليق.

التعليقات

3
  1. @ghla_aldnya33333333

    انا ماسمعت بالدكتور هاذا بس حبيت ارد عليك الله يشفي ولدك ان شاء الله

    انا ولدي قال لنا الدكتور عنده لحميه بس ابغى اعرف كيف يعرف انه فيه لحميه يعني كشف ولا اشعه
    هو ابني عنده حساسيه صدر ورحنا للدكتور قال لا لحميه مو حساسيه صدر
  2. @byadr_ngd_1

    صاحبة الموضوع
    اهلين اختي

    شوفي انا ولدي من وهو بالاربعين كان يتنفس بصعوبه شوي حتى يبين بحركة صدره

    وبعد فتره يصير كانه يشخر ويشرق في الرضاعه


    لما صار عمره شهرين قال الدكتور احتمال حساسية انف واحتمال لحميه

    لكن اللحميه ماتبين الا بعد اربع شهور بالاشعه تكون واضحه واعطانا بخاخ للانف

    اللحين عمره خمس شهور وسوينا الاشعه وصار فيه لحميه لكن قال ماتحتاج عمليه

    لان حجمها مو كبير وقال انه فيه اطفال تثبت على حجمها وماتكبر

    واطفال لأ تكبر بعد فتره

    علشان كذا قال تعالو بعد ست شهور نشوف

    وانا خايفه مابي اروح للموعد ويقولي عمليه

    اذا فيه علاج الان وهو صغير واللحميه صغيره يكون افضل


    علشان كذا اسال عن الدكتور سمعت انه كويس
  3. @grly

    هلا عزيزتي انا ولدي نفس مشكله ابنك وديته للدكتور العمار بالحبيب مره كويس وسواله منظار وشافها وعطاني بخاخ للانف عباره عن مويه وملح نفس القطرات بس بخاخ اسمه اوشن واحس بدى الشخير يخف شوي وتحسن رضاعته للحليب الصناعي لكن باذن الله بروح اراجع عند الدكتور لانه قال احتمال يحتاج عمليه انصحك لا تتركينه لان اللحميه ممكن تسبب مشاكل في التنفس وبالتالي على القلب وشكل الفك
    وفعلا رضاعته مره سيئه كانت بالطبيعي عشان كذا حولت للصناعي من يوم عمره اسبوعين

    وبالنسبه لكيف تكتشف بالاشعه والمنظار وغالبا الطفل يواجه صعوبه بالرضاعه وطول وقته يشخر طول ماهو صاحي او نايم

تابعي تجارب أخرى من هذا القسم.