تجمع لأمهات (اطفال أمراض القلب)...

ان شاء الله ..ادعو الله بالثبات دائما وان يشرح صدري وييسر أمري..

تجربتي معه في القسطره كانت جدا سيئه وهي ماتبقى في ذاكرتي

كان الطبيب قاس جدا..وطلب من زوجي الحضور للتوقيع وزوجي كان في الاسعاف ..متعب

الحمدلله على كل حال

اللهم لا سهل إلا ماجعلته سهلا إنك تجعل الحزن إن شئت سهلا

اللهم اشف ابني وابنك يالغاليه ومرضى المسلمين يارب

والله ياغاليه نحتاج لأطباء وممرضين لينين هينين..اما العلاج بيد رب العالمين وماهم إلا اسباب..

حبيبتنا أم عبدالعزيز :) ..

من خلال تجربتي مع ولدي في المستشفى وجدت في الأطباء الأجانب من غير العرب والممرضات كذلك أطيب ما تكون عليه المعاملة مع تفاؤل تحتاجينه ساعتهـا .. رقي في التعامل أمل وابتسامه وتصبر .. على عكس العرب جلافة .. احباط .. تذمر .. يأس .. تقصير حتى ممرضاتنا ولا نقول سوى حسبي الله ونعم الوكيل .


أين بقية اخواتي ؟؟؟

الله يشفي عيالكم ويرفع عنهم

بنت عمتي عندها بنت عمرها الان 3 سنوات عايشه بقلب سبحان الله بدون لابطينين ولا اذينين يعني كله حجره واحده

مهو مقسم وداون وخلل بالوريد الرئوي الله يرفع عنها ويعين امها طبعا مالها علاج

طبعا ذكرت لكم القصه عشان اخفف عنكم مادام فيه علاج فالحمدلله تهون باذن الله

طبعا انا عندي بنوته عمرها سنتين كان فيها ثقب بالقلب من الولاده مادرينا عنه الا صديق ابوها دكتور شافها وسمع صوت بالقلب

وبعد الاشعه والفحوصات ثبت ان الثقب بين الاذينين

وماشاء الله تبارك الرحمن لما صار عمرها سنه وكم شهر سوو لها اشعه وبشرونا انه تسكر من فضل ربي ورحمته

ان شاء الله ربي اللي فرحني بسلامتها يفرحكم بسلامة عيالكم

انتبهي انتبهي انتبهي اختي

ترى الازرقاق وتغير اللون هذي اللي حذروني منه الاطباء انه خطر لاتتهاونين بالمساله المفروض تودينها للمستشفى

وبعدين مهو اي نشاط للاطفال العاديين ممكن تسويه

وبالنسبه للامساك حاولي اكلها دايما يكون فيه الياف وخضار وفواكه وكثري له مويه وشوربات وسوائل

بالنسبه للعمليه اذا ماقفل الثقبمن ربي اكيد بيكون فيه عمليه وترى ماتخوف ان شاء الله والطب اللحين تطور كثير

قطره من فضه هلا بالغاليه ..والله من خلال تجربتي هنا بالرياض الاطباء السعوديين والاخصائيين كانوا معي رحماء وخاصة المتدينين منهم ..

الطبيب القاسي كان عربي ..المشكله هو رئيس قسم الاطفال..الحمدلله اللهم سخرهم لنا يارب

اما الممرضات بحسب هناك الطيبه وهناك القاسيه ..طبعا هم يشعرون ان المرضى واحد..قاسين معهم..

اللهم سهل على ابني موعده وعلى ابنك عمليتيه يارب..

امراض القلب منتشره بالمواليد سبحان الله ..



..

غريبه منفيه اسعدك الله ياحبيبه على ذكر التجربه ..نعم مرضى الداون لابد وان يكون فيهم مرض القلب سبحان الله

اما ثقب ابنتك نعم هناك الكثير منهم تقفل من رب العالمين ايضا الحلبه سمعت انها تقفل الثقب..

وابني اظن انه لديه ثقب بين الاذينين ايضا اخبروني انهم يراقبونه فقط..

اللهم اشف مرضانا ومرضى المسلمين