عرسي بعد 11 يوم والدورة بعدها ما شرفت

ألف مبرووووووووووووووووووووووووووووك ..
بارك الله لكما و بارك عليكما و جمع بينكما على خير ..
ما شاء الله البنات ما قصروا و ردوا عليج ..

ألف شكر لكم يالغاليين ..والله يبارج فيكم وعقبال ما تشوفون عيالكم عالكوشه ..

الله يوفجكم..

أحين أنا عندي مغلي القرفه قلت بجربها وعقب بجرب النشادر اذا القرفه ما يابت فايده :(

القطوة ما في حد شراتيه يشرب البيبسي حتى الكرشه اشوفها طالعه :p

أما بالنسبه للنط والحركه ..البارحه ركبت فوق الكرفايه (السرير لغير الناطقين بالاماراتيه ) وقعدت انط بس ما ياني غير عوار البطن :)

وتسلمون ..

وبعلمكم بالنتايج

الله يعيني على القرفه :(

هلا حبيبتي زي ما قالوا البنات احسن لك بدال ما تشربين القرفه وهالاشياء اخاف ما تنزل معك وتتوهقين احسن روحي للدكتوره واطلبي حبوب تاخر الدوره لمده بعد الزواج مثل ماسويت أنا وااله يوفقك انشاالله

انصحك لا تاخذين شي انا دورتي تقدمت عن موعدها ب4 ايام ومتى جات يوم العرس طبعا نفسيتي كانت زفت لبعض الامور وشايله هم على راسي المهم رحت الصباح للدكتورة قالت ما اديك حبوب فقط اديك مسكن فيفادول وابويا زعل الله يهديه يحسب اني بالعاني خليت العرس في نفس يوم دورتي وكمان الوالد لما زعل كلم زوجي وقله تراها اليوم جاتها الدورة خايف ان العريس تجيه ردت فعل تحسبون عريسي زعل لما جيت دخلنا البيت وبعد ما قطعنا الكيكه وتبادلنا الهدايا جلس ولد الحلال يدردش علي سوالف قال لاتشيلين هم واحنا واحنا ومو لازم الواحد من اول ليلة وحتى لو الدورة ما جاتك قريب الزواج ما حانسوي شي ليت ترتاح نفسيتك