اسعار الدربزينات اللي عندها فكره تدخل

مساكم فل وعنبر وياسمين حنا الان في مرحلة اختيار درابزين الدرج انا ابي حديد وزوجي يبي جبس يقولي الحديد يكلف وانا ابي شي بسيط مابي شي فخم يعني ابي شي علي قد الميزانيه
الله يعافيكم من مركبه درابزين وكيف الاسعار وهل هو يصدي او لا
انا ابي بحدود الفين او ثلاثه ودلوني على محلات رخيصه سواء بالقصيم او الرياض .
انتضركم

8 تعليق 33,376 مشاهدة

شاركي في النقاش

سجلي الدخول لإضافة تعليق.

التعليقات

8
  1. @am_daaana_1

    شوفي حبيبتي حنا حاطين درابزين درج الخدمة متره بميتين ريال
    أما الدرج اللي بوسط الصالة فخم مرة متره 700
  2. اهلين اختي
    اولا ما ذكرت الدرج عندك درج خدمة او رئيسي بوسط البيت
    وكم متر عندكم
    اذا على غالي فهو غالي الله المستعان الامتار تبدأ من 500 وحتى 1000 وممكن اكثر طبعا حسب الموديل وحسب المكان اللي يسويه لك (هذا بالنسبة للمحلات المتخصصة بالدربزينات )
    عموما من تجربة كل المحلات نصابين ويبالغون في الاسعار جدا
    اذا عندك تصميم بسيط ممكن تسويه عند الحداد ارخص بكثير
    لأنه يحسب المتر ب200 او 150 برضه حسب الموديل
    لكن المشكلة في الدهان لأن الحداد ما يصبغ وهنا انت راح تدورين على دهان كويس يصبغلك الحديد
    احنا تونا بانين فلتين دوبليكس وحدة لنا والثانية اجار
    اللي لنا كلفنا الدربزين عند محل السيف 16000 تقريبا فوق العشر امتار
    والاجار سوينا نفس الامتار ب7000 فقط عند حداد
    بس الفرق ان الغالي كانت بويته فخمة مرة واللي عند الحداد ما ضبطت البويه حقته
    الله يسهل امرك وموفقه

تابعي تجارب أخرى من هذا القسم.