يعني وش اسوي علشان اتزوج ؟

السلام عليكم

قسم بالله اكتب لكم الكلام هذا و انا من امس الساعه 1 بالليل قايمه

النوم ما عاد صرت اعرفه الا بحبوب تنوم علشان حرام جسمي تعب

الاكل ما عاد صرت اكل مثل قبل

نفسيتي صارت زباله تكرمون و انا قبل كانوا اهلي ما يسموني الا الخبله

لاني ما كنت اسكت من الضحك

حياتي كلها تغيرت _ صار طبيعي كل يوم ابكي

تعبت و الله ابي اتزوج ابي اتزوج ابي اتزوج

حتى لو بتجيني مشاكل من الزواج معليه ابي اتزوج

و الله ثم و الله اني احلم اني متزوجه و اقوم من النوم و اجلس

على طول ادعي ربي اقول يارب عاجلا غير اجل ترزقني بالزوج الصالح

متخيلين يعني افز من نومي و ادعي

قبل انام لازم اتخيل اني متزوجه و كل شي اشوفه

او اسمع به اربطه بموضوع الزواج

كل واحد اشوفه من الشباب اقول ليته زوجي

اتمنى اني اتزوج و الله العظيم

ادعي ربي دايما و اقول لامي تدعي لي

بس طبعا اقول لها ادعي ان ربي يوفقني

ما احب ابين لامي اني ميته على الزواج

اصلي و ادعي ربي انه يزوجني

علموني وش اسوي تكفون و الله فيني هم كله من الزواج

يارب يا رزاق يا كريم تزوجني و تزوج كل البنات

تكفون تكفون تكفون ادعوا لي الله يوفقكم

في صلاتكم تذكروني و ادعوا لي

لا تحرموني من هالشي الله يجزاكم الجنه

تكفون ابي بس دعوه صادقه من قلبكم

ادعوا لي الله يرزقكم من حيث ما تحتسبون

و الله اني اكتب و انا مدري وش فيني

ابي بس تدعون لي الله يوفقكم

126 تعليق 16,589 مشاهدة

شاركي في النقاش

سجلي الدخول لإضافة تعليق.

التعليقات

120

تابعي تجارب أخرى من هذا القسم.