عين ماصلت على النبي
يابنات ساعدوني بلييييييييييز من فترة رحت بيت خالي وطبعا كالعادة كنت كاشخة ولابسة والماكياج على كيف كيفكم ويومها نسيت اقرا على نفسي المعوذات اصلا انا مو دايما اقرا على نفسى قبل لا اطلع و كانت بشرتي صافية يابنات الله يبارك بهالخلطات اللي احطهم من منتدانا الرائع واول مارديت البيت وانا قاعد امشح ماكياجي مااحس الا حنكي(حنجي)نفر حبة فجأة عاد كلهم مرة وحدة وحمر ويعورون والله اني تمنيت اني مارحت صدقوني بالبداية قلت يمكن انا حاطة شي من مكياجي يطلع حبوب بس انا كل مره احط من نفس الماكياج ومايصير فيني شي وبعدين مو لهالدرجة5 او 6 حبات(يحليلي عادتهم)ومرة خالي لما شافتني ثاني اسالتني وهي كانت شايفتني ببيت خالي وقالت لي انتي الله يهداج لابسة وكاشخة وفلانة حسودة احسدتج انا يابنات ماحب اظن باحد بس صح تذكرت انه امي بعد صار لها موقف معاها بعرس ولد خالي كان ماخذ بنتها واقبلت المره اتسلم وكانت صبابة القهوة تمشي جنب امي وتحرق ايد امي وامي قالت هذي المره عيني حارة بس قلت حرام نظلمها....الحين قولوا لي ويش اسوي الحين بدا تخف الحبوب بس اثرها ذبحني بعدين قولولي شلون ارقي نفس وسامحوني عالاطالة قصيت لكم قصة حياتي