]مرحبا ياحلوين

اليوم جايبتلكم جبنية ماما تسويها ربي يخليها ليا .. ماشالله رهييييبة وماينشبع منها

المقادير :

كاس جبنة بلدي غير مملح ( الجبنة تكون مفتتة بيدك اصلا الجبنة البلدي تتفتت بسهولة ومو مشكلة لو في قطع كبيرة شوية عادي )

تلت فنجان شاهي زيت

شوية فانيليا

3 ملاعق حليب بودرة

ربع ملعقة كبيرة هيل مطحون ناعم او نص ملعقة صغيرة عاد انتي وذوقك تحبي طعم الهيل واضح حطي نفس مقداري ماتحبيه كتير قللي المقدار

نص ملعقة صغيرة بيكنج بودر

ملعقة صغيرة خميرة فورية

كمية من الطحين الي تخلي الخليط يتماسك مع نفسو تقريبا تلت كاس طحين او نص كاس المهم الخليط يتماسك ... مو يسير زي العجينة تتمط معاكي لا .. مجرد انه يتماسك

ضعي الخميرة في شوية موية دافية مع ملعقة سكر وخليها تنفش

و اخلطي المكونات الباقية والخميرة مع بعض وجيبي صينية وافردي الخليط فيها ويكون السمك وسط تقريبا 2 سم .. يعني لا ترققي الخليط مرة عشان لا تنشف في الفرن

وحطيها في الفرن ترا ماتاخد وقت كتير

لا تخليها تحمر كتير مجرد حمار خفيف وحمريها من فوق شوية واسقيها شيرة باردة وذوووقي احلا جبنية

ألـذ حلا🍫

آلذ حلا😘

آلذ سوفليه🍩

مع الحشوات آلذ

آلذ صوص🍩