أهم شيء وقت الصلاة لا تفوتينه ... اتركي من يدك كل شيء اذا دخل وقتها وصلي .. وبعدها شوفي وش عندك من أشغال ..
للأسف كل شغل البيت والمسؤلية عندنا ملقاة على عاتق الزوجة ..
ما فيه أي تعاون لا من الأبناء ولا الزوج إلا يحوسون عليك ويسببون فوضى ..
وفوق هذا عندنا رجال ما يقدرون جهدك ..
عموما .. مثل ما قلت لك الصلاة أول شيء .. وبعدها فكري بالأعمال الثانية ..
أشين شيء وأكثر عمل يأخذ وقت .. هو غسيل الملابس وكيها .. وهذي الله يسلمك اشتري غسالة اتوماتيك ونشافة 100%
تريحك من جهد الغسيل والكي .. يعني يخف عليك كثييير
وبعدها المواعين .. اذا تطبخين أكثر من وجبة في اليوم ومواعينك اللي تطيح وسخة كثيرة فالغسالة الاتوماتيك بتريحك ..
اجمعي فيها كل ماعون يتوسخ وآخر اليوم شغليها .. في الوقت اللي أنت تمسحين فيه المطبخ والفرن .
النت يا قلبي قللي دخلتك عليه .. خليه في وقت الفراغ بس تره فعلا يضيع الوقت .
هذا شيء بسيط .. واذا تبين نساعدك بجدول تقريبي ينظم لك وقتك ..
قولي أنت بيتك كبير أو صغير ، دور أو فيلا .. كم أولادك .. كم يوم تطلعين فيه من البيت في الاسبوع ،
تقريبا وشلون نظامك اليومي الآن من تصحين لين تنامين ؟؟
بس على فكرة .. لا تحطين في بالك ان كل شيء بيكون تمام التمام .. لابد ان فيه شغلات بتنقص .. مهما كان الكمال لله حده ..
ولا يمكن نقارن شغلنا بشغل خادمة متفرغة بس للعمل في البيت .. بدون مسؤلية أولاد وزوج وعلاقات اجتماعية وملهيات ثانية .
لكن مثل ما يقال .. سددوا وقاربوا .. والله يعين
أنا فاشله فاشله فاشله بما تعني الكلمه
متابعة النقاش، صفحة 12