السلام عليكم والرحمة
عندي سؤال قبل
أعرف الجواب بس خليني أسألكم قبل
من فيكم يحب آيسكريم باسكن روبنز ؟؟
أنا عارفه الجووواب
كلكم ( أو بتقولون ومن ما يحبه )
المهم
حبيت اعطيكم طــــــــــــــريقه عمله
و انشاء الله تعجبكم ..........
المقادير:
4 اكياس دريم ويب - 4 قشطة او قيمر كي دي دي (يفضل كي دي دي ) لاني استعملت قشطة نسله طلعت زينه يعني ،، بس الكي دي دي اطيب واحلى والذ ،،،
6 ملاعق حليب بودرة -حليب نستله المحلى علبه كامله
الطريقة:
* تخلط بخلاط المضربين الى ان تنفش
أسيح جالكسي 4 حبات مع علبة قشطة واسـّوي التوفي (كاسة سكر – علبة نستله)
* اكسر بسكوت مع ماي ونسكافة وتخلط مع البسكوت مع وضع المكسرات حسب الرغبة
* ترص الطبقات آيس كريم – مكسرات- وبسكوت والشكولا..
* توضع لمدة يوم كامل...
هــــــــــــــني و عافيه ..........
بس منقوووووووول
صراحه بنات انا نقلت لكم هالطريقه بس لاتقولون ماجربتها بالعكس امس مجربتها بالبيت وطلعت هبال خبال صرقعه انهبلوا عليها البيت ،،، حتى اخوي الكبير ماصدق اني سويته لحالي ،،،،
بس انا ماحطيت مكسرات ولاشي ولاكراميل بس سويت الخلطه المكتوبه اللي هي حليب وقيمر ودريم ويب ونسلته المحلى ،، ,ضربتهم زين ،، وبس حطيتهم في وعاء بلاستيك وغطيته بالنايلون وخليته بالفريز يوم كامل ،،، وبعدين رشيت عليه شوكولا هيرشي السائله وطلعت خبال ،،،، صورتها لكم وهاي صورتها تفضلوا هالملة الحلوه من الايسكريم مني لكم صحه على قلوبكم
.jpg)