توهقت بلون رخام مطبخي تكفون وشسواه(صور)

السلام عليكم

قصتي واضحه من العنوان

مطبخي توي مفصلته في بيتي الجديد
امس ركبو الادراج والدواليب وكان روعه
واليوم جابو الرخام وركبوه ويوم جيت اشوفه لقيت لونه يفجع:44:
مو مثل ماتصورته ابداً

مطبخي الأول بني وبيج وحلو مره بس مليت مو معقوله بفس مره ثانيه بني وبيج

المهم وللأسف تجرأت وخترت لون غير حبً في التغير وقلت اسود بنقط بالبني والبيج بيكون حلو مع البني القاتم بيعطي فخامه زي مااشوف بالأمطابخ الأمريكيه

بس مثل ماسبق وذكرت طلع وهقه طلع وععععع ياربي لك الحمد بس
امس طايره من الوناسه واليوم شوي وصيح

المشكله زوجي مسافر هاليومين ولا ني عارفه وشسوي
اخاف اقوله ويهاوشني ومعه الحق صراحه لنه حذرني بس ماخذيت بكلامه


الحين سؤااااااااااااااااااال الله يرحم والديكم
من قد صار معها نفس هالموقف ..وطلبت يشيلونه وغيرته للون ثاني يعني طلبت لون ثاني وفصلوه لها لمطبخها
وكم خذو عليها وبالاصل هل يرضون ولالاا:44:

شوفو تكفون




74 تعليق 18,845 مشاهدة

شاركي في النقاش

سجلي الدخول لإضافة تعليق.

التعليقات

73
  1. @fnoo_2

    اكيد يرضون بس بحقه
    يابنت الحلال ماهو شين اذا حطيتي ستاره فاتحه وعلب سكر حلوه يعني الاكسسوارات بتغيره وتخليه يهبل
  2. @dainh_2007

    صاحبة الموضوع
    وين حلو الله يهدينا وياكم والله طالع يخرع
    ولا من زين الحظ ان المطبخ مفتوح على الصاله يعني منظره بيأثر
  3. @hmooos22

    شوفي يالغاليه انا بأقولك انه لا تكدرين خاطرك اكيد بيسوون لك بس بحقه والتكلفة والله بتطلع عليك غاليه كأنك بتفصلين نص المطبخ من

    جديد لكن انتي جازفتي واخترتي الاسود لو لون دواليب المطبخ افتح بيج مثلا عسلي كان طلع حلو فخم ولو الرخام روزايت كان طلع

    افخم لكن الحين لا تنكدين على زوجك أهم شئ دخلي عليه الوان فرايحية احمر برتقالي والله بيطلع روعه اهم شئ اضاءة المطبخ تكون

    صفراء والله بيطلع روعه اسمعي كلامي اعتمدي الوان الاكسسوارات اللي في المطبخ تكون موحده مع الصاله يعني مثلا احمر اوأورانج

    بما إن المطبخ مفتوح على الصالة صدقيني بيتغير والله اذا عدلتيه بألوان الاكسسوارات والله يطلع فخم فخم لا تغيرينه ولاشئ بس

    اهم شئ الجلسة اللي بتحطينها في الصاله خلي لونها احمر او اورانج والعبي بالخداديات لأن المطبخ مرة غااامق والعبي بالبني والذهبي

    والاكسسورات واللون اللي بتعتمديه في الصاله للجلسة العبي بنفس اللون لإكسسوارات المطبخ والله يطلع روووعه ,,

    اتمنى فهمتي علي واذا احتجتي اي مساعده انا فلي الخدمة ياعسل ,,

    والله يسر خاطرك ولا يندمك قولي آمين ..

تابعي تجارب أخرى من هذا القسم.