اااه يابنات اكثر من كذا ماقدر مسيااااار مره وحده حسبي الله ونعم الوكيل

صح كلامك من مجربه ماضيعنا الاكذا

اعذرني أختي بصراحة فاااار دمي فاربطي حزام الأمان عشان الكلام الي بقول لك


الحين لما كان الأمر حرااااااام محض وما فيه أي شبهة تحليل وهو علاقته ببنات ومشاهدته للأفلام الإباحية مثل ماذكرت برد سابق وأنت متحملة وساكتة!!

ولما صار الأمر ع الأقل إنه فيه علماء حللوه انهرتي!!

اسمحي لي أخيتي راجعي إيمانك

الحمد لله اخيرا افراج
السلام عليكم ورحمة الله وبركاته
يا الله مادري وش هالنظام والله العظيم يعذب جالسه اشوف ردودكم وابغى ارد وما اقدر,الله يسعدكم وحده وحده
بنات حابه اوضح لكم شي
انا يوم قلت انه راعي بنات وسافر مره من وراظهري وكشفته انه عنده كذا رقم غير جواله الاساسي ماذكرت لكم بالتفصيل وش صار لحظتها من مصايب ومعاناه يعني لاتفكروني سكت وربي ماسكت وان كل مشكله حاولت احلها من
لحظتها وكل مره يعتذر ويطلب اسامحه يوم شفت رسايل بجواله قومت الدنيا اقسم بالله حتى اثاث بيتي كسرته من القهر
والصدمه وكان بدايه زواجنا مالي الا سنه ونص حرام اخرب بيتي, رجعت حلفته على القران وحلف انه مايعرف بنات < حلف فاجر وش اكثر من كذا وش اسوي غير اني اصدق؟كذبت عيوني وقلت الرسايل من اخوه حركه استهباليه (زي ماقال هو)مع انه باين انه وحده تعرفه من زمان
ثانيا يوم سافر برا كان من وراي وانا مادري ويوم كشفته من جواز السفر برضه انهرت وتعذبت ولميت اغراضي وجلس يهدي فيني مره ثانيه ويحلف لي على القران انها اخر مره وانا حاسه انها كانت المره المليون اللي يسافر من وراي وانا مادري طبعا ياخذ ساعات عمله الطويله فرصه انه يسرح ويمرح
والحين مسيار؟ لاهنا استوب خلاص طفح الكيل ماقدر اكلت من بلاويه الكثير هو انسان مهووس بالبنات يعني هذا ماظن بيتوب لانه تعدا مرحله المراهقه وعمره الحين 34
واذا بيتوب بيكون بس عشان مايخرب بيته وياخذ حذره اكثر بالمرات الجايه وبيستمر بالغلط وانا عمري يضيع ,اذا وانا عمري الحين 25 ويفكر يتزوج مسيار كيف اجل بعد عشر خمس طعش سنه؟بيحط على راسي 4 وبيشوتني
واذا على اهلي انا قلت لأمي كل افعاله قالت اذا خلاص ماتبغينه شيلي اغراضك وتعالي وهو يجيبك احنا مستحيل ناخذك من بيتك زي ما اخذك يرجعك ونقطه انتهى الكلام .(هذا كلام امي اذا شكيت لها عن مشكله)
صراحه مو قادره افضحه قدام اهلي على سالفته الاخيره ماقدر لان مسيارشي كبير بالعايله فضيحه ومحد سبقها عليه
ثاني شي هو ماتزوج هو ناوي يتزوج يعني مادري لي حق على اللي اسويه والا لا لأن اخاف يسويها وانا مادري عشان كذا ابغى اتفادى وجع القلب.
الاخت نادر وجودي..كلامك على راسي والموت عندي اهون من خراب بيتي لكن برضه حياتي مهمه واذا على الذكاء صرنا اذكياء بما فيه الكفايه لدرجه فهمت زوجي زياده عن اللزوم وعرفت وش تحته وسالفة اني اكسبه انا كل ما اكسبه اخسر اكثر هو اللي اختار مو انا ..الله يسعدك على هذا الرد الحكيم
الاخ زوجتي عسيريه...كلامك كان يقتل اكثر من انه يعالج ويهدي كأنك تقول خليه يتزوج مسيار كلها نزوه وتروح ومن قال انها نزوه؟؟ انت كرجل لو كنت من مؤيدي المسيار وتزوجت اكثر من بنت وبنفس الوقت تطلق راح تشوف ان الوضع ممتع اكثر بالتنويع وراح تستمر فيه وتاخذه على انه حلال وبما انك رجل ولك رغبات اكيد راح تستمر ماراح تتوب .طيب انا وش ابغى فيه اذا رجع لي حاني الراس بعد كذا ؟؟؟ يا الله حسوا فيني تكفون كيف ارضى ان زوجي يجرب بنات غيري بهدف حب التجديد والتغيير ؟؟ واقول معليه راح يرجع لي بعدين؟يا اخي لو وحده مننا شاف بجوالها على سبيل المثال رساله جاتها بالغلط من مجهول والله العظيم ليقوم الدنيا على راسها ويطلعها خاينه وماتربت ومايأتمنها على عرضه وبيته هذا اذا ماذبحها قبل مايطلقها.كلامك صراحه مستفز مع احترامي لك.
ايضا انت تقول يمكن حب يبعد عن الحرام والامراض ايش دراك ان هالبنت اللي ارخصت نفسها وتزوجت مسيار ماتكون عارفه مليون غيره؟بعض البنات تتزوج مسيار عشان يوفر لها سكن وراتب والا الحاجات الثانيه مكتفيه فيها وطيب اذا يبغى يبعد عن الحرام والامراض انا وش ناقصني !!لاحول ولاقوة الا بالله كلامك مستفز

لولا الامل... كلامك نفس كلام الاخ زوجتي عسيريه جزاك الله خير
يا انا يالهدوء ...كلامك صح هذا اللي افكر فيه لكن اقول لأهلي هذي لي فيها نظره ,الله يسعدك
سيرين33...تقولين الحل بأيدي وانا اقولك كل شي بالبيت تمام وكويس لين يطلع للدوام هنا ماقدر اسوي شي مو بأيدي والشغاله مو رافض وجودها انا اللي رافضه وجودها لأن احس اني مقيده بالبيت ومو مرتاحه نفسيا جزاك الله الفردوس الاعلى
حور @...زي ماذكرت بأول كلامي وجزاك الله خيرا
وللصمت كلمة.. انا ماقلت لا فائده الا لما حسيت انه فعلا لافائده لكثرة مشاكله وقوتها كل مشكله اكتشفها تحبطني اكثر وتحسسني اني جالسه اكافح عشان بيتي يبقى وهو كل همه يرضي نفسه وبشي يغضب ربه اولا واخيرا ,يعني من جد حرام يخرب بيت ويتشتت اطفال عشان شي مثل كذا ,والله حيرتوني واحزنتوني اكثر بكلامكم.
في كل الاحوال بكون سعيده بالتواصل معاك ويشرفني واشكرك من قلبي على هذا الاهتمام ,حقق الله لك ماتتمنيه واسعدك.
سمو...ياعزيزتي ماسكت ابدا وشوفي كلامي بالاعلى والافلام الاباحيه مايشوفها قدامي يشوفها اذا خرج للدوام من مكتبه يعني برضه ما بأيدي شي لأنه حتى لو رحت لاهلي واحتجيت ووو الخ راح يقول خلاص انا تبت لين يرجعني ويرجع يشوفها وانا ما ادري ,وانا انهرت على كل شي سواه لكن هذا الشي الاخير خلا الكيل يطفح وجبرني اكتب هنا.جزاك الله خير حتى لو قسيتي كلامك لمصلحتي.

اشكركم بنات كلكم على مشاركتكم وتفاعلكم من جد كنت مهمومه وبس ابكي وربي حتى ولدي عمره سنتين ونص فقط اذا شافني ابكي يضمني ويقول ماما بس بس احبك ماما كل مره يشوفني ابكي يجي يواسيني ومايدري انه يتعب قلبي اكثر الله يحفظه
جزاكم الله الفردوس الاعلى

الله يهديه يارب هذا اللي اقدر اقوله