السلام عليكم
اللهم صلي ع محمد وآل محمد
شلون الحلوات
بنات والله ياهو يشوفني يكولي شنو هلجمال الف الحمدلله آني حلوة من كاعي لا خبطات ولا اشي بس مجرد نضارة للوجه اعمل بس ماسك واحد
آني اكولجن ع طريقتي والله فد سهلة
السبب الخلاني انزل هلموضوع الصراحة داشوفجن محتارات بروحجن
المهم
جدولي اليومي..
ملاحظة:الحلو حلو والمحلو محلو لو ماعرف شيسوي بعمرة ..اوووك
1.نبدء من الصبح
آكل سبع تمرات ع الريق وبعده اشرب حلبة واشرب مآي هوآية يعني (موية)..السبب:لانو مريضة اشرب مآي هواية ويعطي نضارة للوجه والحقيقة آني شفايفي وردية بس شرب المآي الزايد يسوي شفايفي حمررررررررر
2.اغسل وجهي بصابونة طبية واخلي رغوة الصابون تنشف ع وجهي لان ينطي نتيجة اكثر..السبب:لانو اكو حب شباب بوجهي قليل ولانو بشرتي حسااااااااااسة بشكل
3.اخلط حلبة مطحونة وزيت زيتون وروب يعني(زبادي) وخميرة
السبب:نظارة مو طبيعية للبشرة.
4.امرر ثلج ع وجهي رووووعة الحقيقة
السبب:يحرك الدورة الدموية
5,عمل تمارين لشد الصدر ولشد الذراعين والساقين.
السبب:لشد اجزاء الجسم طبعا
6.ادلك شعري لدقائق الحقيقة التدليك سوة شعري روووووعة والله السبب:صدك التدليك يعالج الشعر بمدة يومين او3 وآني عن نفسي ماشسور شعري لانو صدك يدمر الشعر الاشسوار
7.تفريش اسناني بملح (وسودة) يعني كربونات الصوديوم
السبب:بياض مو طبيعي للاسنان..
ووالاهم من اطلع خارج البيت ماخلي مكياج ابد لانو يهلك الوجه
والله والله يتعجبون ع جمالي لانو دائما اليكون بسيط ومايستخدم اي اشي للوجه رب العالمين ينطي الشخص ع كد نيته صدكوني لتعبون بشرتكم خلو كولشي طبيعي مو الة خلطات وماعرف ايش
ولتنسون الحلو يبقى حلوووووووووووووووو الجمال مو بالخلطات والكريمات والزيوت هاذي خلقة رب العباد
ها ونسيت اكولكم ترى ماكو اشي يبيض لاكريمات ولا اشي والتكول انو استعمل كريم اوخلطة من كد ماهية توسوس تحس انه صدك صارت بيضة ترى ماكو اشي يبيض ابد والله الابيض ابيض من الله وخاصة المناطق الحساسة الدشوف البنات يردن يبضن هلمنطقة بنات اوعن شوي والله كوله هلخطات مو صحيحة وترى المنطقة الحساسة دائما تكون اغمق جزء بالجسم لانو منطقة حساسة ومعرضة للالتهابات والفطريات واسباب الدورة..
دمتم بآمان اللهـ
حـيرنـي زمـآني..~
شاركي في النقاش
سجلي الدخول لإضافة تعليق.
التعليقات
82مواضيع مشابهة
تابعي تجارب أخرى من هذا القسم.