شاركي في النقاش

سجلي الدخول لإضافة تعليق.

التعليقات

192
  1. @bs_laayonh

    منى البراهيم
    أختي . . . زوجها من وصفها إنو طيب وحياتهم حلوة قبل لا تعرف الإنسانة الطيبة هذي معناها معدن زوجها أصيل ليش التشجيع على خراب بيتها بسبب صداقة !!! وصداقة أخذت أكبر من الحيز اللي ممكن تأخذه أي صداقة بالدنيا ............ والله لو كانت ز…
    السلام عليكم
    ردي طووووويل جدا بس ان شاء الله يفيدك<<<<عيبها ما تعرف تختصر

    اولا للأخوات اللي قالوا خيييير يبي يتملكك ويتحكم فيك لا تسمعينه من وين راح تجيبين زي صديقتك ... الخ
    احب اقولهم ليش معتبرين موقف زوجها عناد وفرض رأي ورجوله
    ليش ما اعتبرتوه انه رجال زوجته كانت ماليه عليه الدنيا ما تشوف الا هو ما تكلم الا هو ما تسمع الا هو وفجأه افتقدها لا تقوليين اني قايمه بواجباته وحقوقه وما اقصر ببيتي ...الخ
    لاااااا زوجك اكيد بصداقتك القويييه افتقد حاجات .. حاجات ((معنويه)) ويارب اقدر اقربها لك
    يعني زوجك افتقد شوقك للقائه لأن فيه حدث في حياتك شاغلك ومالي تفكيرك ووقتك خفف هالصفه فيك
    زي ان زوجك افتقد كلمات حلوه منك وحنان مو زي قبل بالظبط
    زي ان زوجك حس ان حبيبته وزوجته الي كل وقتها ومشاعرها معه
    ومع عياله فجأه ابتعدت يمكن مو بوقتها بس بمشاااعرها يعني خفت حدة مشاعرها
    زي احساس الطفل اللي متعلق بلعبه مررره ودايم معاه
    وفجأه جاء واحد يشاركه بلعبته وساعات ياخذها منه(غصب)
    ولا احساس طفل كان الكل في الكل والكل حوله وفجأه شرف مولود جديد سحب اهتمام اللي حوله
    حبيبتي للأسف انتي ما فهمتي احساس زوجك الطيب والمسكين وقلتي حرفيا((هو يبي يمتلكني له وحده وهذا من سابع المستحيلات ))<<<<عباره مالها داعي
    يمكن عيبكم اثنينكم متخذين موقف العناد يمكن هو منكد عليك في الطلعه والدخله ولا قالك مره موقفه بصراحه بس يهاوش وانتي من اسلوبه وكردة فعل ما فكرتي فيها من هالناحيه ..فكرتي فيها كحب تملك واستحواذبس
    بعدين قولي لي مو الحياة الزوجيه الا ان كل طرف يملك الآخر يملك محبته قربه اهتمامه..الخ
    ادعي حبيبتي ان ((بس لعيونه)) تملك حب واهتمام زوجها<<<ادري داخله عرض

    فكري حبيبتي من هالناحيه

    لان الحياه شراكه مستمره يعني زوجك شخص بيتم معك ويشارك حياتك مدى الحياه
    بس ((الصداقه)) غالبا لا
    ومن تجربه والله ثم والله ثم والله ان الصداقه القويه اللي فيها عاطفه جياشه تحسين انها تستحوذ على مشاعرك وتفكيرك ومشاعر قوووويه جدا
    والله ماتدوم وعن تجربه للي حولي
    والله ما اتفاول عليك والله يديم عليكم ((مع اني خايفه عليك وعلى صداقتكم انها تهتز بسبب انك قلتي مواقفها اللي ما تسويها الأخت وكم في هالدنيا من الناس ومن اللي يقروون من يتمنى زي صداقتك ومايذكر الله))
    المهم الصداقه المعتدله اللي لها مسار هادىء معتدل متزن تستمر
    اما اي علاقه لها مسار عالي جدا مشدود وتظهر فجأه للاسف يمكن زي ما ظهرت فجأه وبقوه تختفي فجأه تحت تأثير قوي مثل غيره قاتله عالصديقه مثل اي علاقه لا يكون اساسها الحب في الله
    ((الأخلاء يومئذ بعضهم لبعض عدو الا المتقين))
    وقيسي على ذلك
    بعدين من رأيي ان العلاقه الطبيعيه للصديقات لا تصل الى ن الوحده تكلم صديقتها قبل النوم ولازم تقول تصبحين على خير
    (ادري ان علاقتكم طبيعيه صديقه بصديقتها بس الحركه هاذي تبين ان العلاقه قويه بشكل غير عقلاني ويمكن لأن كل وحده فيكم والله اعلم عندها احتياجات نفسيه من الطفوله ما عوضتها فوجدت ضالتها في هذي الصداقه فكانت متنفس وارتباط قوي لدرجة ان الوحده تحس بسعاده وارتياح كونها بس قالت لصديقتها تصبحين على خير وودي اسمع صوتك قبل لا انام
    يعني كأن الوحده فيكم وجدت حب جديد تبث فيه كل انواع عواطفها ومن قللللب ..


    حبيبتي نصيحتي لك
    اقعدي مع نفسك قعدة صراحه
    واعترفي لنفسك ان حبك لصديقتك طغغغى على حبك لزوجك
    طبعا انت تقولين زوجي وابو عيالي وطبعا احبه بس انا اقصد حب الأهتمام والشوق واللهفه والرغبه بالجلسه لها اكثر ولا لزوجك ؟؟؟؟
    وزوجك حس بالفرق وشعر بهذا الشيء وايضا شاهد الاتصالات واللقائات والحديث بحماس عن العلاقه (يمكن في البدايه)ووو..الخ
    كل هذا دفعه لمحاولة انهاء هذي العلاقه ليستعيدك
    وقولي الحمدلله ان الأمر ما وصل الى ان يحدك ويجبرك بالقوه على تركها (والرجال اي رجال يقدر ان يتخذ موقف حازم في ذلك)
    بس باين ان زوجك ما شاء الله لا قوة الا بالله عاقل والى الآن ماسك نفسه فانتببببببببببببببببببببهههي ولا تفرطي فيه..
    وشوفي مين اللي في حياتك تقدرين تستغنين عنه زوجك ولا صديقتك ..

    ومين اللي اذا تركتيه راح يلحقك ضرر خفيف مو زي الضرر اللي بيلحقك لترك الثاني ؟؟

    والحمدلله الأمر فيه سعه ممكن تكسبين زوجك وماتخسرين صديقتك بشكل كامل لااا بس تكون زي اي(( صداقه)) طبيعيه في الدنيا المكالمات بالكثير ثلاث مرات في الأسبوع
    الزيارات يمكن في الشهر مره وزين بعد وقيسي على صداقاتك القديمه في هالأمور حتى لوكانت صداقتك هذي اقوى

    الله يوفقك


  2. وضعك يا عزيزتي مو عادي او طبيعي.. كنت عايشين في امان الله وفجأة من سنة قلتي ظهرت هالصديقه

    وقويت علاقتكم ببعض وواضح انه ما في سيره غيرها عندك وعند عيالك واهلك واهله.. يعني وين مايلف زوجك وجهه سيرتها قدامه!!

    وواضح انكم مزودين الاتصالات والزيارات بدليل حتى زوجها لاحظ ولفت نظرها.. يعني مو بس زوجك اللي بيتملك و يعاند و و و الخ

    اللي وصله له زوجك انتي السبب فيه.. اوكي كوني علاقات وعزيها وحبيها زي ما تبين.. بس لا تلخينها سيرتك الوحيده

    لا تظهرين اهتمامك بها ومعزتك قدامه.. انتي منتي مقصره قايمه بواجبات عيلتك لكن هذا زوج ما يشوف الصداقه بمنظورنا

    كل اللي يشوفه انسانة دخلت حياتك فجأة وبفترة قصيرة صارت الكل في الكل عندك وما في سيره الا سيرتها

    فاحس اكثر من انه غيره اشتعلت انه دخلت الريبة في قلبه وش سر هالصداقه و و والخ

    نصيحتي وزاني امورك.. الزيارات الكثيره مالها داعي قننيها.. واتصالاتكم كمان قلليها وحاولي في وقت دوامه مو على حزة وصوله

    وان سئل عنها قولي زمان عنها او شفت اتصالها بس كنت مشغوله بالبيت بيني له انها مي لاحسه مخك زي ما هو متوقع

    وان قارن نفسه بها قوليله انت الكل بالكل ولا اتبدل باحدك ( حتى لو تخفين في قلبك نيه غير ) بس هي بنت حلال وما جاني منها شر

    استحي ما ارد عليها او اقطعها فجأة وسكري على الموضوع واهم شي اهم شي لا تجيبين سيرررررررررررررررتها نهائي قدامه

    اسئل الله لك التوفيق والسداد
  3. @tlfon_khrban

    حبيبيتي ..

    كل شي زاد عن حده انقلب ضده ..
    والله لو انك شي جايه تشتكي .. وتقولي انك متعلقه بزوجك
    بشكل مبالغ فيه .. كان الاغلب هنا قال لك .. موو كذا الحياه والتعلق يكون

    صديقتك وتحبينها ووقفت معاك .. كل هذا على عيني وراسي
    لكن انت اختي وازني الأمور
    زوجك عشرة سنين ما جاك منه شي ..
    معناه الرجال ابن حلال ... وماعنده تحكمات وكلام فاضي

    الغلط منك يا غاليه ..
    مافي رجال .. تقولي له صديقتي واحبها واموت عليها واكثر منك .. وبيسكت !
    احمدي ربك ما حلف عليك بالطلاق وقتها .. لو كلمتيها بعد كذا

    البنات ما قصروا معاك بالنصايح ..
    لكن التفتي لبيتك .. ولزوجك وعيالك أكثر
    بطلي تجيبي سيرتها على طول
    زيارات ومكالمات يوميه ... جدا صعبه . وشي طبيعي انك رح تقصري بحق اهلك واهله وكل مين
    دام الدعوه يومي

    وادعي ربك دايما .. لو لكم خيره مع بعض تكملوا .. ولو لا .. الله يفرقكم على طاعه وحب

    كل خير .. اتمنى لكـ
  4. @shok_almsafr

    يسعد مساك أختي ..
    شوفي انا قريت قصتك وتذكرت قصتي فبداية زواجي انا تعرضت لنفس الموقف زوجي ماكان راضي عن وحدة من صديقاتي ومو اي صديقة اقربهم لي قال لي نفس الحاجة يا انا ياهي طبعا انا تعذبت واجد ابي صديقتي وبنفس الوقت ابي زوجي وانتي تعرفين كيف الزواج فالبداية بس طبعا حياتي الخاصة ألزم علي من حياتي الأجتماعية وياحياتي صديقتك ماااتحب زوجها لوكانت تحبة بتحط نفسها فمكانك وأكيد بتعذرك وبتنصحك انك ماتكلمينها نهائيا وهو موجودبالبيت عالأقل مبدئيا وصدقيني بيجيك يوم بتكبر السالفة وبيقول لك اختاري واحد ياانا ياهي وبتوصلين لطريق مسدود لأنه مش مرتاح لعلاقاتكم ببساطة هالعلاقة غريبة علية حس انها ماخذة عقلك واجد ولا أيش الرفيقة اللي بتجلس مع رفيقتها الوقت كلة بالمستشفى وتو هم عارفين بعض من سنه وبعدين انتي تقولين انك ماتكلمينها وهو موجود وبعدين قلتي انك كلمتيها تبي تسمع صوتك قبل لاتنامين !!! يعني موجود ترا اللي سواه شوي صدقيني الرجل بعادتة مايحب مرتة تكلم بوقت متأخر وشلون وهو موجود وتكلمينها هي!! شي ثاني صراحه لو هي فيها خير كان تنسحب شوي لين ماتهدى الأمور بينكم يا انك تحددين علاقتك معها ووقتك من غير ماتسرفين في علاقتكم أما انك تشوفينها كل يوم واجد علية, الرجال يغار حتى واحنا بنات ماكنا نروح لرفيقاتنا يوميا شلون وفي حياتنا رياجيل يغارون علينا واجد وانا عني بقولك شسويت مع الوقت حاولت اخفف من علاقتي معها من غير ما أقول لها السبب لين سألتني مرة عن اسباب تغييري قلت لها الصراحة طبعا هي زعلت بس بعدين تقبلت لانها هي بعد تزوجت وحست بالشي اللي قاعدين نمر فيه الرجال ياحياتي مايبي يحس اني في احد ماخذ زوجتة عنه حتى لوكانوا اهلنا واللي اهم اهلنا مانجيهم الا مريتن فالأسبوع شلون ربعنا مرة فالشهر نشوفهم ممكن لاكن اكثر احس اوفر..

    هذي نصييييييحة لك لا تهدمين حياتك الخاصة على حساب وناستك مع رفيقتك خلي نظرتك أبعد شوي فكري ان مالك الا هلك وزووجك بس لاتوصل السالفة لأكبر من كذا عشان وحدة.. باكر اذا كبرتي ماحد بينفعك غير زوجك هي بتنشغل بحياتها وانتي بتظلين رفيقة ووبس وهي ضامنه حياتها وزوجها لأنها على قولتك قووية يعني زوجها فالجيب عشان كذا ماعليها لو خربت عليك اهم شي وناستها .. (أحذري منها).. لأنها مع الأسف أنانيه..

    وسوووري عالأطالة حبيت افيدك بتجربتي لأني حاليا مرتاحة وسعيدة اتخذت قرار ورتاحة حتى لوماكنت سعيدة بفراقها بس اقلها ارتحت من وجع الراس والمشاكل اليومية حتى هو ماصار يدقق على مكالماتي مثل قبل وسلااام

تابعي تجارب أخرى من هذا القسم.