مشكلة زوجة أخوي اتمنى الحلول السريعه



السلام عليكم ورحمة الله وبركاته



اخواتي العضوات بقولكم موضوع حساس جدا يخص زوجة أخي الله يحفظها لعيالها


والله مدري شلون ابدا وادخل بالموضوع ولكن اتمنى الكل يتفهم كلامي ويعطيني افكار من غير ما اجرح مشاعرها

مرت اخوي الله يصلحها مهمله جدا بنظافتها الشخصية وحتى اطفالها يعني دايما معاهم ريحة الله يكرمكم زي الي كانه من زمان ماتحمم او ماغسل ملابسة

قبل امس خلت بنتها عندي لان عندها موعد بالمستشفى وانا فرحت لاني اموت على الاطفال الصغار واحبهم وربي يابنات بحياتي ماكرهت الاطفال زي كذا فيها ريحة ماقدرت اتحملها :44: ومعدتي قلبت علي وطول اليوم ماقدرت اكل واتحممت مرتين لاني احس الريحه بجسمي وماقدرت امسك نفسي وبكيت قهر على اخوي وعلى هالاطفال حرام يصير فيهم كذا


اخوي مرره رومنسي ومتفتح حيييييييل تخيلو بنات قبل اكثر صارت مشكلة كبيرة بين اخوي وزوجته وابوي وامي يبون يصلحون بينهم قبل ماتكبر وتوصل لاهلها تخيلو يقول لابوي قدامها ماهي نظيفه والبيت ماينظف الا لما اهددها بالطلاق و من اجي من دوامي مافي لاغدا ولا هي محضرة شي بعد هالي صار تسنعت فترة والحين رجعت لعادتها




بنات تكفووون ابي حلول مرت اخوي طيبة وعلى نياتها بس ماهي سنعه في بيتها واطفالها والاهم النظافة شلون اسنعها


مابي احد يعرف من قرايبنا ولا ودي اشاور احد كبير من غير ماحد يطلع عليها كلام ماهو زين :icon33:


فكرت اشتري لي ولها من نكتار او بودي شوب المجموعه الي فيها شامبو الجسم والباقي انتم عارفينه ومادري اخاف اجرحها



ابي رايكم السديد والحكيم في مثل هالامور .

93 تعليق 15,204 مشاهدة

شاركي في النقاش

سجلي الدخول لإضافة تعليق.

التعليقات

88
  1. @rahty_gnty

    وعليكم السلام ورحمة الله وبركاته
    الله يكون بالعون
    أختي
    انتي مثل مابينتي انك تبغين تشترين من نكتار او بودي شوب (جربي تنزلين للسوق انتي وهي)وتختار هي على ذوقها (ممكن ناقصها ثقه في نفسها )وبهذي الطريقه تجاوزها
    أو تعزمينها وتكونين مشتريه (من نكتار أو بودي شوب )معطرات للجسم (وتعطينها اياها قبل ماترجع لبيتها)وتقولين لها علشانك زرتيني (هذا هديه لك)بتفرح فيها وأن شاء الله تكون فاتحة خير ويتحسن وضعها
  2. @barklyn

    اذا كانت علاقتك فيها قويه وكويسه ومن النوع اللي ممكن يتجاوب وياخذ ويعطي انصحيها بينك وبينها 00
  3. صاحبة الموضوع
    راحتي جنتي صح كلامك


    باركلين علاقتها فيني مو مرررة قوية احسها اوقات ماتبي تصادقنا او مادري كيف تبي تبعد نفسها دايما مع اننا حيل طيبات معها ونبي لها الخير ايش رايكم انزل السوق انا واياها ولا اشتري لي انا وهي مجموعات

    وعيالها وش الحل معهم .. على فكرة ولامرة تعزمنا عندهم وقبل فترة امي راحت لعندها ودخلت المطبخ لقت المطبخ مرره وصخ وفيه صحون يابسه من قدمها :(


  4. @barklyn

    لا حول ولا قوة الا بالله معناها انها مو مهملة في نفسها وعيالها بس لا وبيتها بعد علشان كذا ما تعزمكم 00 طالما ان العلاقه مو مره اذن لازم اخوك اللي هو زوجها يشوف حل معها ومع اهمالها لبيته 00 الله يكون في العون ان شاء الله ويهديها لزوجها وعيالها
  5. صاحبة الموضوع
    الشكوى لله شكل مافي حل ... انا كنت خايفه اهديلها مجموعات وتنقلب الامور علي راسي او انها تفهمها بشي غلط


    وماودي اسبب مشاكل :(


    مشكورات ياعسل على الردود ولو فيه عجيز مارهـ عليها هالسالفه تعطينا رايها

تابعي تجارب أخرى من هذا القسم.