زوجي مايبي يطلقني واهلي واقفين بصفه ضاقت بي الدنيا

السلام عليكم
قصتي باختصار اني تعبت من زوجي ومن معاملته واخلاقه وكل شي سيئ فيه مايصلي ويدخن ويكلم بنات بالجوال قدامي وانا ابكي كت بالبداية بس بعدين صار عندي تبلد احساس غير كذا لسانه وسخ بس يسب الفاظ شوارعية
والمشكلة الاكبر انه عنده مشكلة بالانجاب انا كنت صابرة 6 سنين زواج عسى الله يهديه بس بدون فايدة فشلني قدام الناس والمستشفى اخر عملية سويتها اطفال انابيب رفض يعطيهم العينة لان الدكتور اتأخر وتركني بالمستشفى وراح عمله
انا بعد هذا الموقف اخذت اغراضي ورحت بيت اهلي لانه دايم يفضل عمله علي هو صح كريم معايا ومو مقصر بالفلوس بس مايكفي انا انسانة عندي احساس مشاعر الامومة بتنفجر فيني ..
اتخيل بعدين اذا ربي رزقنا باطفال وزوجي لسانه وسخ بيسب قدام اولادي مااقدر اتحمل الموقف انا ابي اربي اولادي تربية محترمة
انا عند اهلي من بداية رمضان يعني صارلي 5 شهور عندهم وابغى اتطلق اليوم جا عند امي قالها انا احب بنتك وماابغى اطلقها حبه برص
ياناس وربي مو طايقته ولا طايقة اهله ابغى اتطلق
قولوا عني مسحورة والا اتجنيت ولا اتخبلت بس انا عافته نفسي مستحيل اخليه يلمسني كرهته
غلطت عمري اني اتزوجته والله ندمانة باختياري له بس كل شي قسمة ونصيب
انسان مايتحمل المسؤولية ابدا امه تقوم بكل اشغاله امه هي اللي تجيب مويا لبيت وهي اللي تدفع الكهرباء وهي اللي توديني مشاويري وهو استغفر الله العظيم ماابي اغلط عليه
امس قالي طلاق ماني مطلقك وبيننا المحاكم
ليش يسوي فيني كذا يعني بالقوة ارجعله ؟؟ اذا كنت مو طايقته لاحول ولا قوة الا بالله
وربي كرهت كل الرجال
استغفر الله لي يومين افكر بالانتحار ياربي سامحني ماراح ارتاح الا وورقة الطلاق بايدي
ليش الرجال مايطلقوا حريمهم بسرعة ويذلوهم الله لايبارك فيهم
قولولي ايش اسوي ابغى اتطلق بهدوء وبدون مشاكل ومحاكم
على فكرة نسيت اقولكم انا سويت الخيرة 5 مرات وكل مااسويها يزيد كرهي له ولاهله