حلى الصامولي سهل بالمره وحلوووووو(حلى للقهوة)

السلام عليكم يا خوات ...انا اول مره ادخل قسم الحلويات الا اذا صار عندي عزيمة والا انا معششه في قسم الحمل والولادة >>>>>اقول خلصينا قولي اللي عندك


جايبتلكم حلى للقهوه مقاديره متوفر وسهله والطعم الذ من هذا كله وما يبيله يعني وقت الزنقات الاجتماعات الطارئه للحريم تقدرين تسوينه فيه.. وهذي صورته معليش الصوره موب مره لانها من الجوال....

المقادير :
بالخلاط حبتين صامولي ....ثلاث حبات جبن مثلث اي نوع ....ثلاث بيضات ...ملعقة اكل بكنج بودر ...فنجانين سكر...ملعقة صغيره ممسوحه فانيليا ...نص كاس زيت واخلطيها بتصير سايله بقوام ثقيل شوي مثل الزبادي ...ودخليها الفرن حمريها من تحت بعدين من فوق بتنتفش بعدين بتهبط عادي طلعيها وخليها تبرد بجو الغرفه..

الطبق اللي فوق..
نص كاس سكر على النار في قدر نحرك اللين يذوب ويتحول لونه ذهبي ونضيف عليه علبة قشطه وبنفس قياس العلبه ماء ونحرك بيتجمع السكر وبيصير قاسي استمري لحد ما يرجع يذوب بعد ما يذوب نضيف ظرفين كريم كراميل ونحرك بعدين صبيه على الطبقه الاولى وخليه يبرد بالثلاجه ما يطول وقدميه بالطريقه اللي تعجبك

16 تعليق 7,214 مشاهدة

شاركي في النقاش

سجلي الدخول لإضافة تعليق.

التعليقات

16

تابعي تجارب أخرى من هذا القسم.