أخباركم يا بنات
الأخت سمن وعسل , أنا دخلت ولقيت اشارة التميز و بجد فرحت اوي. جزاك الله خيرا. وطبعا احنا مستنين فكرتك بفارغ الصبر, ماتتأخريش علينا
الحقيقة ده أول موضوع اتحمس للمشاركة فيه بالشكل ده, وده كله علشان تفاعل البنات. حاسة ان المجهود ما بيضعش في الهوا
عاشان كده هانزلكم دلوقتي أكلة جدييييده من نوعها. كنا بنشتريها علطول ومن يوم ما لقيت طريقتها وانا حتى مش ببص عليها في السوبرماركت
الأكله الجديدة هي......
الرنجة المعلبة المملحه
عارفينها ؟ الي بتبقى مقطعه وعليها خل وشطة ومحفوظه في البرطمانات
المهم
المقادير بتاعتها هي:
مقادير متساويه من الخل والزيت. تحطي عليهم شطة وفلفل اسود وتخلطيهم بالشوكة
فلفل أخضر وبصل مقطعين مكعبات
وطبعا ماننساش.....الرنجه
ناخد الرنجه ونسويها على النار كالمعتاد وبعدين ننظفها من الشوك ونقطعها
نضيف المكونات كلها لبعض وتزين وتقدم
بالهنا والشفا
على فكرة لو عملتيها على بيات بتبقى أفضل.
ولو هتعمليها للتعليب فقط يستحسن اننا نضيفها لخليط الزيت والخل لوحدهم ونضعها في برطمان وتعلب.
ويا سلام على بطارخ الرنجة لما بتتعمل كده وتاكليها بعد يومين تلاتة , بتبقى يم يم :32:
**لا تنسونا من صالح الدعاء**