كيف اصير رسميه مع اهل زوجي!!

السلام عليكم ورحمة الله

انا يابنات وضعي مأساوي جدا جدا

اول شي زوجي اكبر اخوانه متحمل مسئولية امه الارمله واخته المطلقه واولادها

واخوانه ماشا الله كل واحد عايش بحياته متهني

اللي في الخبر واللي في جده

وانا ساكنه مع اهله بشقه مسروقه

واهلي بعيدين عني مرررررره انا في الرياض وهما في الخبر

يعني وضع مأساوي


غير كذا يابنات


انو اخواته كلهم ماشاء الله جيراننا كل يوم عندنا

وانا مجبوره فيهم لو مانزلت لهم اكلوني بقشوري

ومااقصر معاهم ابدا اسوي الحلى اشكال

والعشى وفارشه لهم الارض ورد

لكن لما صار عندي حموات

صرت اشوف اني مو زوجة ولد مثلي مثل غيري محشومه ولها هيبه
فلما تجي وحده من حمواتي بس يطيرون لها يتكشخون وضحك ومجاملات وانا اركض اكرف لهم
واذا جابت هالحماة شي لو كيس صامولي صار عندهم اعجاز وشي غريب
لا تقولو عني اغار من حماتي والله احبها واتمنى لها كل خير
بس اللي قهرني تصرفات اخوات زوجي صرت عندهم ولا شي
مثلا مره جالسين بعد المغرب وجايبين القهوه
وحماتي تكلم بالتلفون برى وجيت وصبيت قهوه قامو زعلو علي وقالو لااستنيها لاازم ومسكت الترمس من يدي وسكرته
انا مدري اضحك ولا احزن
مع العم ان هالحماة من الظهر موجوده
في المقابل انا احيانا يكونو عارفين اني باجي وتخيلو نازله بصينية الحلى والاقيهم خلصو قهوه وقراطيس الشوكولاته معبيه الغرفه
اقسم بالله مثل الكف على وجهي جاني وتذكرت ذاك الموقف اللي مامر عليه اسبوع
وصرت امزح اقول خلصتو القهوه مااستنيتوني ولا حتى حبة شوكولاته اشمشم في الاكياس وانا احاول اضحك تخيلو يناظروني بازدراء
كتمت غيظي وسكت
اقسم يابنات اني مااكذب بحرف
اني لمى اسوي العشى واركض فيه ركض
طبعا يكونو كلهم مجتمعين
وتعرفو الجمعه كيف توزعي الاكل على الاطفال ولا الرجال ولا العاملات
دخلت الغرفه منهد حيلي مااحد منهم سوى لي مكان ولا عبروني
اقسم بربي جلست مع البزوره اسوي نفسي أأكل اطفالي ودمعتي بخدي لمى دخل علي زوجي وقال تسلمين نسيت تعبي مع انه ماحس ليه انا جالسه مع البزوره
انا الان اكتشفت اني مثل السجاده تحت رجلينهم
مايشوفو ليه اي معروف تعودو مني اعطي وبس
حسيت اني اهنت نفسي سنين طويله ومااحد معبرني
وانا اللي مااخلي بينا اي رسميات بس ضحك ومونه اكثر من الاخوات
غير كذا يابنات
انا بنت ناس ملتزمين اهلي عودوني على الستر
وجيتهم فرق شاسع قصير وعاري وبطلون
انا مااتدخل في لبسهم هما حرين
بس اتضايق كثير لما اشوفهم بلبس فاضح قدام زوجي
هذي النقطه كنت كاتمتها بصدري بس لمى زادت سلبياتهم نطت هذي بوجهي مثل الشعره في العين
خلاص انا وصلت معي نقطة الصفر ماادري ايش راح اسوي معاهم

وفوق هذا وذاك
اللحين كل الناس بمجتمعاتنا لمى يجتمعو يسوون قطه هالشي معرووف
حتى العوايل الكبيره مره يسوونها بشكل ثاني كل اخوان يسوون قطه ويعزمون العايله كلها

عند حمولتي لا

الجمعه ماتحلى الا في بيت الام كل اسبوع
الاحفاد والعيال وكل العايله الكريمه
وكل البيت على ظهر زوجي
هو اللي يصرف
ومايقصر معاهم لو انا ماسويت راح جاب من برى واحرجني
وهما مايفكرو في استراحه او قطه
مع انهم خمس بنات وكل وحده لها دسته عيال واحفاد ماشا الله


قربت انجن يابنات احس قدرتي على الصبر نفذت ايش اسوي

عارفه بتقولون خليكي رسميه معاهم

اتمنى والله اتمنى بس وضعي مايساعد زوجي فوق راسي انزلي انزلي

اهله عندو بالدنيا كلهم

يضحي فيني ولا يضحي فيهم

انا شخصيتي ضعيفه وطيبه لحد الاستغلال

لكن انا الان جاني احساس شريفه ام البنات

قررت اتغير بس ماني عارفه كيف ابدا

ساعدوني ارجوكم



69 تعليق 25,423 مشاهدة

شاركي في النقاش

سجلي الدخول لإضافة تعليق.

التعليقات

67
  1. وضعي مايساعد زوجي فوق راسي انزلي انزلي

    اهله عندو بالدنيا كلهم

    يضحي فيني ولا يضحي فيهم

    انا شخصيتي ضعيفه وطيبه لحد الاستغلال



    هذا انتي قلتيها اهم شي اهله وشخصيتك ضعيفه

    مالك الا الصبر وخليك رسميه لا تنزلين كثير خليهم يجتمعون تعذري باي عذر واذا على الاكل سويه وخلي الشغالات ينزلونه لهم ولا تنزلين

    وقللي من الضحك والمزح خلي سوالفك رسميه

    اهم شي لا تغلطين على احد واحفضي الشانك ولا احد يمسك عليك زله

    الله يسخرهم لك ويهديهم
  2. @am_gnan_6

    والله اني راحمتك
    بس شوفي ياعيوني يمكن سمعتي بالمثل (ان لم تكن ذئابا اكلتك الذئاب)انا اشوف انك تغيرين من شخصيتك الضعيفة وجيبي افكار جديدة قولي لزوجك ايش رايك نخرج يوم كذا نتعشى برى قوليله هالكلام من بداية الاسبوع علشان مايشك فيك وخليهم يجون عند عمتهم وبنتها بس اهم شي لاتزعليييين زوجك لان اهله عنده فوق
  3. @creepy

    امي كانت كذا كنا ساكنين مع جدتي بعدين نقلنا بيتنا بعيد شوية عنهم وصارو يحترمونا ويحطونا فوق راسهم ..
    مو لازم تخدميهم هم مو اهلك عشان تخدميهم والله ماراح يعاقبك لانك مو ملزومة فيهم وانتي قلتيها مايقدرونك ولا شئ..
    اللي ملزوم هو زوجك مو انتي ..

    الله يسخرهم لك وينصرك عليهم ..

تابعي تجارب أخرى من هذا القسم.