oOo مسابقة لا للمشتروات نعم للانتاج المنزلي oOo// تنتهي المسابقة 3/3 هجري

الله عليكم يا بنات تجننون
وردة الامير وامون مشكورين عسى بس عجبكم
مسوية تسريحة هههههه عجبني اسمج
يا سلاااااااااااااااااااااام على هالافكار الجهنمية يا احلى توتة
قصيمية شلونج عساج بخير وننطر معاج الكووووشري
كتكوتة شخبارج وشخبار الوالدة
نودو مشكورة على الوصفة يالغالية
لهيم حياج الله

لا يا اختي ما يصير سمن السمن يحضر من اذابة الزبدة ومشكورة على بقية الافكار

بديل الشطة وصلصة البيتزا وغيره..
هذي الشطة أو الصلصة معتمدتها عندي وأسوي منها كمية كبيرة وأحطها في الثلاجة
أستعملها كصلصة للبيتزا..

أو أسوي مكرونة مسلوقة وأحطها ع الوجه..

أو مع الأجبان..

أو الرز المسلوق يصير كأنه برياني..

مرة تساعدني إذا ما عندي وقت للطبخ تعطي نكهة خيالية وتشهي للأكل،،


ومقاديرها:

٣ حبات طماطم وسط
حبة بصلة وسط
حبة صغيرة ثوم
٥ حبات فلفل حار أحمر أو أخضر
بقدونس وكزبرة حسب الكمية اللي تحبين
٥ ملاعق أوريغانو (زعتر بري)
٣ ملاعق كاتشب
كرتون معجون طماطم
ملعقة صغيرة كمون
ملعقة صغيرة كزبرة
ملعقتين خل
ملح
بيالة زيت زيتون


الطريقة ولا أسهل:

يقطع البصل والطماطم والفلفل والثوم كما في الصورة والبقدونس بعد إزالة السيقان العريضة



توضع في الخلاط مع بقية المقادير



وتخلط جيدا دون إضافة الماء

تسكب في القدر وتغطى وترفع عليها النار لمدة ٥ دقايق ثم تهدأ وتترك لمدة ساعة تقريبا



حتى تتسبك وتصبح ثقيلة القوام وهذي صورتها بعد ما خلصت



ثم تترك لتبرد وتعبأ في برطمان معقم وتوضع في الثلاجة..



واللي تجربها وتعجبها تقول لي.. وتدعي لي..

وبالهناء والشفاء.. ومطرح ما يسري يمري :)

ما شاء الله جيجي روعة
ربي يسلم يدينج