▓▒░◄♥►بنــــات بريطانيـــــــUKــــا حياكــــــم اللـــــــه ◄♥►░▒▓

يااعمري مشكووره على الرد بس حبيت أسال عندكم بقالات عربيه وسوق غير السنتر وش الباصات اللى تودي له المكانين ومااقصرررررررتي

السلام عليكم ..

بنات حبيت استفسر المحلات اللى بشارع اكسفورد الساعة كم تصكر ..؟؟ وشلون الجو عندكم ..؟؟

وجزاكم الله خير ..

لما كنت في برمنجهام اتقضى من اسدا و تسكووو اما اذا بغيت منتجات عربية اروح للبقالات الباكستانية وهي منتشرة مرة
و خاصة في شارع كوفنتري روود

فية مطعم روعة في شارع كوفنتري روود عندة منائيش و فطاير سبانخ و زعتر و لحم مررة لذيذة
و اكلات شامية
اسمة مطعم بدر في شارع كوفنتري روود هذا البست كود حقه b100uf

و اكبر الاسواق في السنتر فية بلورينق و السلفريج و فية الميل بوكس ...

و كمان لو عندك اطفال فية ناشرل سي وررد قريب من السنتر مرة انصحك فية كل انواع الاسماك حاطينة فية و البرمائيات
..

و فية كمان مصنع كادبري .. انا رحت له في رحلة تبع المعهد كان حلوو و رحلة لذيذة هههههههههههههههه

و اي استفسار انا جاهزة


و بنسبة لارقام الباصات ما اعرف لاني كنت اتنقل بسيارة هههههههههه

paperoo.. شمالية.. مشكورات على التوظيح..
__________

طيب..عندي استشارة بصفتكم عندكم خبرة اطول مني اكيد..

تخص السكن..

قبل نجي هنا زوجي دور على بيت مناسب لنا و بعد التي واللتية..لقى فلة صغيرة مفروشة..

بعيدة عن السنتر..بس سعرها نسبيا معقول..


وبعد ما جينا لقينا بيت مفروش غاااااااااالي لكن ما علينا فواتير ابد.. وقريب من السنتر..

ومحتارين ايهم نختار..

يعني هل الفواتير (كهرب-ماء- غاز- نت- تلفزيون....) مرهقه مادياً او لا؟

طبعا اغلبكم يمكن يقول الثاني ..لكن انا عندي ثلاث اطفال الله يصلحهم..يمشون ويخربون..

واكيد بيغرموننا على اي شي يخرب.. هذا اللي مخلينا نتردد بالاضافة الى فرق السعر الكبير.!!!!


حطو نفسكم مكاني..ايهم بتختارون؟؟؟؟!!!!!

بوست كود البقالة .. w2 3pf .. مدري شنو اسم الشارع بس هو متقاطع من احد جوانب شارع الاجور رود ..



يوم الاحد كل شي يفتح 12 الظهر ويسكر 6 ...

باقي الايام يفتحون من الـ 9 او 10 صباحاً الى 9 او 10 ليلاً ... دبنهامز يبقى الى 11 .. واعتقد في يوم يطولون فيه .. اللي هو الخميس اذا ماني غلطانة .. يعني المحلات اللي تسكر 9 يوم الاثنين ، تلقينها تسكر 10 بيوم الخميس مثلا ...

**

اختي ندى المطر ... بالنسبة لسعر البيت مثل ما قلتي غالي ... بس الزين اللي فيه انه يسوى .. قريب من السنتر وبدون بقية الفواتير ..
الصراحة حالياً احنا قاعدين في شقة شوي غالية بس بدون فواتير الماي .. ومافيها غاز .. بس ندفع كهربا وسعره معقول جداً ..
طبعاً النت علينا كمان ..

قبل كنا قاعدين في بيت صغير وما كنا نعرف المنطقة .. اجاره رخيص لكن مصيبة الغاز غااااااااااااااالي !!!! ومع الكهربا والماي صار سعر البيت كله خيالي !!

فالواحد يضمن يقعد في مكان مدفوع الفواتير ابرك له .. ولا ينصدم من فواتير الغاز اللي تجييله آخر الشهر .. :)

انتي استخيري وشوفي اللي الله يكتب لك فيه الخير ان شالله ...