ولدت في الأسبوع34 بعدمعاناه والحمدلله

الحمد لله على سلامتك والطفل بيكبر ويعافيه ربي بس مسألة وقت

وودي اسألك وين ولدتي وليش نزفتي؟

لأني مثل حالتك مقررين لي تنويم وولاده مبكره عشان خطر النزف وشيل الرحم والله يستر بستره

وآخرتها يقولون ماعندنا حضانه للطفل؟وما زلت ادور مستشفى فيه حاضنه وربك كريم

اهم شي قومتك بالسلامه

الله يسلم جميع الأخوات
الأخت مها أخت لين الله يقومك بالسلامه النزيف بسبب المشيمه لأنها مغطيه عنق الرحم وصار نزيف أثناء العمليه والحمدلله سيطروا عليه وقف برحمه الله وحده ولدت في مستشفى حكومي

يعني نفس حالتي انا مشيمتي مغطيه عنق الرحم من الشهور الأولى

طيب مانوموك في المستشفى قبل الولاده بفتره؟

ووش المستشفى اللي ولدتي فيه؟

وهل احتجتي نقل دم وقت الولاده؟

ماتتخيلين كيف مخوفيني ؟يارب لطفك وسترك

الحمد لله على السلامه

انا جبت ولدي قبل تقريبا خمس سنين نهاية الشهر السابع يعني مادخلت الثامن

كان وزنه كيلو و600 غرام حطوه بالحضانه 18 يوم والحمد لله نموه ممتاز في خلال ثلاث شهور صار وزنه طبيعي زي الاطفال المولودين طبيعين والحين هو بالروضه ماشاء الله

السبب في الولاده ارتفاع في الضغط وزلال في البول يعني تسمم حمل وسوولي العمليه

انتي لاتحاتين طفلك راح ينمو ويكبر بصوره طبيعيه جدا بس يبي له وقت اشوي من ثلاث الى اربع شهو وكل شي راح يصير عادي بأذن الله

وبنت اختي بعد نفس الشي في الشهر الثامن جابت ولدها والحين عمره سنه ونص ماشاء الله دبدوب صار يهبل

اولا الف حمد لله على سلامتك واجر وعافية يارب ويتربى النونو بعزكم

بالنسبة لألم العملية عادي حبيبتي توك لك شهر بس مع الايام يخف كثير .. بالنسبة للحليب انا مثلك صدري ناشف دايم ولشهر يكون خلاص مافي شيء واصلا مايرضعون مني عيالي مايرضون فما جربت بس انتي كلي حلاوة طحينية وعندك الحلبة كمان تدر الحليب وانتي لا تيئسي لو تبغي ترضعي كثري سوائل وفي الصيدليات حليب خاص للوالدات عشان الرضاعة جربي ..
بالنسبة لمانع الحمل استخدم لوجينون اسمها كذا وكثير مايعرفوها بس حلوه لاتخنت عليها ولا عصبت ولا نقاط دم في اي وقت ولا تخرب الدورة بالعكس تنظمها وكمان ماتخليك وقت الدورة تفقدي دم كثير وماشية عليها وفصيلة دمي او موجب ..
بالنسبة للطفل الخديج ماعندي اي معلومات عنه ياقلبي بس انتي اسئلي الطبيب الي كان مشرف عليه او اي طبيب اطفال ثقة وشوفي كيف تعتني فيه وكيف نموه .. بس اتوقع اهم شيء انه يكون في غرفة نظيفة بعيدة عن الازعاج ومعقمة لأنه ياقلبي ماكتمل واهم شيء يكون يتجدد هواها وتدخلها الشمس والله يقر عينكم فيه حبيبتي ويرزقكم بره والف سلامة عليك ثاني مرة ..