السلام عليكم ورحمة الله وبركاته
نخيتكم مانخيت رخوووم
شورو علي تكفووون الله يسعدكم
واقرو موضوعي كامل جعلكم تدخلون الجنة
حبيباتي اختي كتبت الموضوع هنا بالقسم
بس ماكتبته بتفاصيله او بالشكل الاوضح
وانا ارجع واكتب لكم التفاصيل
لعل وعسى القى حل عندكم بعد الله :44:
سالفتي انه اخوي يبي يتزوج
وزوجي يوم درى وهو من اول يبي
يقول اخطبو اختي بس منحرج وموقادر
لحد جاء الوقت المناسب وقال اخطبو اختي
احنا نعرفكم وانتو تعرفونا وبينا صلة قرابة
من جهة امي والغلطة الكبيرة انه قلت لزوجي انو
ابوي يمدحكم وجدتي كمان ورشحو اختك
المهم الحين زوجي كل مااروح عند اهلي
يجيني كلمتي امك فتحتو الموضوع
اقسم بالله ازعجني وغير كذا امي
داريه بالموضوع لو مثلا ماحصلنا لاخوي
عروسة نآخذ اخت زوجي بس امي خايفة
من المشاااااااااااكل وبالنهاية انا الي اتضرر
مررره محتارين وزوجي يزن على راسي
ومرات يزعل ولا يكلمني وانا مالي ذنب :44:
كله عشان شايل هم اخواته هما كبار وتآخرو عن
الزواج وغير كذا اخته وقفت معنا وقفااات
سددت نص دين زوجي ودفعت للمستشفى حق
ولادتي ويوم اروح زواجات تمسك بنتي
ويوم ازورهم واشترو شي يوروني ملابسهم
يعني كل شي بينا ماشاء الله طيب
بس هي عمرها 31 ومعلمة
واخوي عمره 29
يابنات زمان كانت هذي اخت زوجي وقبل
مااتزوج من زوجي شايفة حالها ويشوفونا
بالزواجات مايسلمون وكانو يعدون من جنبي
بالكلية ولا يسلموون ولا حتى يشوفون احد
يمشي بس يوم خطبوني لاخوهم تغيرووا مره
حتى الحين اخت زوجي ماصارت مغرورة متواضعه ولبسها متواضع
يعني واضح انها بهم وغم تغيرت مره البنت عن اول
والحين محتااااااااارين وخايفين من المشاكل
زوجي يزن فوق راسي شايل هم اخته لان بنات عماته وعمه يتشمتوون فيها
وامي كمان حيرتني خايفة من المشاكل
وتقول امي اخاااااااااااف نآخذها ومايآخذوون
اختك لاننا ودنا يآخذون اختي كمان وش اسوي
وش اقول لزوجي
امي خايفة تآخذ اختك وماتآخذون اختي :44:
والله فشلة ياناس محتارة بين زوجي وامي
ارضي مين ولا مين
ولو اخذنا غير اخته زوجي قالها صريحة انا
بزعل ياربي وامي شاية كمان هم اختي
ولو اخذنا اخته اخاف من المشاكل وانا الي اتضرر ولا ترجع تنغر اخته وتشوف حالها علينا
يااااااااارب رحمتك احس ورطت بالزواجه هذي :44:
تكفون الله يسعدكم شوفولي حل
طول الوقت افكر :44:
ياااااااااارب تسخر ملكوت السموات والارض
للي ترد وترفع موضوعي ولو بدعووة
شاركي في النقاش
سجلي الدخول لإضافة تعليق.
التعليقات
31- الله يوفقهم لما يحبه ويرضاه
- البنت صراحه ماقصرت معك ولا مع زوجك
واذا تشوفينها من ناحية الغرور تغيرت جذريا .. واخوك من النوع اللي شخصيته قوية مو كلمة توديه وكلمة تجيبه اخطبوها وعلى بركة الله
لأن من مساعدتها لكم شكلها طيبه وراعية فزعه وكونها كانت ماتسلم قبل تتزوجين اخوها يمكن كانت تستحي او طبعها كذا
ومسألة العمر مو مهمة ابد اذا اخوك راضي ومقتنع
وعلى بركة الله - الله يعينك صراحة حوسة هالموضوع
بس الغريب راي اخوك وين في موضوع زواجه
استخيري قبل اي شي وصدقيني ماراح يصير الا القسمة والنصيب
واكثر الارتباطات في الزواجات تجيب المشاكل وتبدا الغيرة والمقارنات
فاريح راسك يالغلا وطلع نفسك من المواضيع وخلي اصحاب الراي هم اللي يختارون حتى لو زوجك زعل شوي ويرضى - انا رديت بالموضوع اللي قبل وقلت لاتاخذونها ,, اذا كان زوجك بيزعل من الحين اجل لو زعلت اخته اخوك راح يزعل منك ويضغط عليك علشان تكلمين اخوك يصالحها ,, لو صار بينهم زعل ولو حب يطلقها بيزعل زوجك وبيهدد بطلاقك علشان يغير اخوك رايه ,,
انا الحين مافكرت علشان انها اكبر ولا انها شايفه نفسها انا افكر انه راح يكون زي زواج البدل ,, عزوا بنتنان نعز بنتكم هينوا بنتنا بنهين بنتكم ,,
ترى حتى لو زوجك يحبك راح يتغير علشان اهله راح يضغطون عليه ,,
وبعدين قولي اخوي غير رايه والا يقول لاتختارون لي انا باختار زوجتي وخلاص ,,
اما انكم خايفين انهم ماياخذون اختك مادري ليه متعلقين بهالعايله اختك يجيها رزقها واخت زوجك بيجيها رزقها ..
وانت اذا سألك زوجك قولي مادري عن اخوي ماعاد يقول لنا شي ,, لاتقولين كل شي لزوجك ولا تقولين امي رافضه ,,
خليه مايدري ايش يفكرون فيه وانت اطلعي من السالفه ,, لاتقولين شي لزوجك وفهميه ان الراي راي اخوك وبس ,, - الله يعينك
مواضيع مشابهة
تابعي تجارب أخرى من هذا القسم.