الله أكبر عليكم حريم..
بنات إتقوا الله في أنفسكم وقولوا الحقيقه..
يعني ماشاء الله عليكم..شفناكم تركضون وتطيحون للكيبورد تكتبون..
زوجي أمس شرالي زوجي سفرني زوجي دللني أمس وراضاني بأغلى هديه..
هذي صورة بنتي هذي صورة ولدي..وهذي صورة بيتي وأثاثي..
والله ثم والله مايسويها إلا القليل النادر بهالمنتدى..
وأنا ما أقول نوسوس لأ نصير طبيعين خير الأمور الوسط..
أنا والله على إني أخاف من العين واعترف بذلك إلى أني طبيعيه..
يعني عادي أكتب بالمنتدى عن حياتي بالزين والشين بكل شفافيه وواقعيه..
اكتب عن جفاسة السعودي وهذا أمر واقعي وملموس..
وأكتب عن طيبه وكرمه وسناعته في كل نواحي الحياة..
بدليل قبل فتره منزلين موضوع صفي زوجك بكلمه..قلت منية المتمني..
يعني أقول واتكلم بس بوسطيه..
يعني بدون مبالغه وكشف اسرار بزياده وتصوير..أكيد بطب ساكته..موكل الناس تذكر الله..
ولو مان كان أكثركم يخاف كان لقينا المنتدى عامر بسهراتكم الحلوه ياغنوجات..
وما شفنا الهم والكدر مالي صفحات الأسريه..
وعلى فكره نسيت شي مهم..
العين غالبا لاتجي من الغير متزوجات ولا الأرامل والمطلقات ولا اللي مالهم ضنا
للإسف العين أكثرها ماتجي إلا من الناس الشبعانه من النعمه ومو شايفه نعمتها..
وبخصوص كلامك..
عائشه ام المؤمنين اخبرت العالم كله...وليس بنات حواء فقط
اخبرتهم عن حب رسول الله لها...اخبرت العالم عن مواقف زوجها الرائعه رغم انشغاله برسالة التوحيد
اخبرت العالم عن سباقها معه ..عن قبلته..عن طيبته ..عن ضحكته لها
عن دمعته لها..عن حبه وهيامه بها
واخبرنا هو عن عائش وحبه لها ولم يستحي ولم يخف من العين
أنا ارى والله ورسوله أعلم أن كلامه صلى الله عليه وسلم وكلامها رضي الله عنها كان لضروره
وهو نوع من الدعوه لتعليم المسلمين كيفية التعامل مع زوجاتهم..
راح اقولكم ان زوجي عطاني كف..عشان ماتصكوني بعين
متابعة النقاش، صفحة 7