أحب الأطفال لكن الناس عقدوني

سوي الي تشوفينه انتي يريحك ويرضي رب العالمين وماعليك من كلام نااااس فاااااضية

لاتخلي كلام الناس يأثر عليك هذي حياتك انتي انتي وبس
ماشالله سنتين كفاية خلاص تعالجي
كيف راح تكون حياتي مع اول مولود؟؟؟؟؟
اكيد بتتحملي مسؤؤلية جديدة
وحلوة
انا قراري صحيح اني بديت العلاج والا باقي بدري؟؟؟؟؟
عين العقل
معقولة في يوم من الأيام راح اكره الأطفال؟؟؟؟
لا****لله الناس تشتكي لكن تموت على اطفالها واكيد متعبين لكن برضوا حلوين
ياخوفي يجي يوم واقول ياليتني ارجع لزمان!!!
اهم شي انتي كيف تعاملك واكيد اذا استمتعتي مع اطفالك مارح تندمين
وبالعكس ممكن تندمي لانك تأخرتي في التفكير بالحمل

وتأكدي مافي شي بدون تعب هذي الدنيا الحلو مايكمل فيها

ونصيحة اختي في كل امور حياتك لاتتأثري كثير بكلام الناس اسمعي تجاربهم وفكري من كل النواحي بالايجابيات والسلبيات وانتي اتخذي القرار اللي تشوفيه صح رأيك بالأخير بيأثر على حياتك انتي وبس
والا ممكن تاخذي قرارات خطأ تندمي عليها
واسفة عى الاطالة
الله يرزقك الذرية الصالحة

الموضوع يرجع لك ماعليك من كلام الناس اذا انتي تبين أطفال عالجي ولا راح يجون الابالساعة اللي يكتبها رب العالمين لوتدورين الدنيا كلها طول بعرض .
انا متزوجه من ثمان سنوات ولا كتب ربي ذرية بالبداية كنت اتسبب واعالج والحين بصراحة ربي رزقني الرضا ولا ابيهم الا بالساعة اللي يكتبها رب العالمين عيشي يومك واستمتعي بحياتك ولا تفنين شبابك وراحتك بالتفكير بالعيال ولا بكلام الناس وشوفي ترا من خلال الواقع اللي اشوفه العيال الله يصلحهم مسئولية كبيره وتربيتهم مب سهله
الله يوفقك وييسر لك اللي فيه الخير

روعة الحياة الأطفال والتعب معهم وارد

أختي بسمه أذكرك بالآية: (المال والبنون زينة الحياة الدنيا)..
والرسول صلى الله عليه وسلم: (تزوجوا الودود الولود فإني مكاثر بكم الأمم) أو كما قال عليه الصلاة والسلام..
وربي إنهم سعادة وقرة عين.. ويغيرون جو البيت ببرائتهم..
طبيعي إن الأم راح تلقى تعب في تربيتهم، لكن مايوازي سعادتها لما تشوفهم متعافين ومستانسين..
(لقد خلقنا الإنسان في كبد).. الآيه
يعني الموظف يتعب في عمله والعاطل كذلك يتعب من الفضاوه..
كل إنسان على وجه هذي البسيطه يمر بلحظات تعب في حياته -سواء نفسي أو جسدي- ويجيه وقت ينضغط..
لكن في المقابل يمر بلحظات كثييييييييره سعيده..
فكري بإيجابية.. في من تتمنى الذرية لتخرج حافظ للقرآن أو داعية يخدم الإسلام..
أسأل الله أن يرزقك ماتقر به عينك..
(ربنا هب لنا من أزواجنا وذرياتنا قرة أعين واجعلنا للمتقين اماما)
وسامحيني عالإطاله،،