عمل بالكراكلي نجح أخيرا بعد تجارب قديمة فشلت

السلام عليكم ورحمة الله وبركاته
أولا وبكل صدق ازجي الشكر للاخت سمو الروح التي عرفت من خلالها اشياء كثيرة منها تقنية الدهان بالكراكلي
ومع اني ادعي اني اعرف كثيرا من تقنيات الدهان والتطبيع لكن كانت هاي الطريقة جديدة علي وبكل صدق
لكن المشكلة جربتها كثيرا لكن ما اتقنتها ..
ورح احكيلكم الاخطاء الي كنت اسقع فيها خلال ثنايا الموضوع حتى تستفيدو منها



وابدا في الموضوع مباشرة


كان عندي هذا الصندوق عطر .. قلت بسوي عليه الكراكلي

1

دهنت عليه اللون الاخضر المخلوط باسود .. والالوان اكريليك
2


3


بعد ما نشف اللون الاساس تماما اجت خطوة الكراكلي
لكن قبل هيك من الاخطاء الي كنت اقع فيها ما استنا على اللون الاساس ينشف تماما .. طبعا هاي بعض التجارب الفاشلة :44:


بالنسبة للكراكلي ... دورت كتير على كراكلي عنا في الاردن تكون كميته كبيرة لانها العبوات الصغيرة الموجودة بالسوق ما بتنفع معي ابدا لانو اغلب شغلي براويز كبيرة وهاي العبوات مع ارتفاع سعرها بتخلص من عمل واحد او عملين:mad:

فاهتديت لعلبة كراكلي من الصباغين لدهاننات ناشونال .. وزنها كيلو وسعرها مقبول جدا ( 6 دنانير أردني ) يعني تقريبا اربع دولارات ونصف ..
وهاي شكل العبوة
4


وبدأت ادهن بالوجه الاول من الكراكلي .. ( الوجه الاول لاني بدي تشققات كبيرة )
الطريقة في الدهان لمادة الكراكلي أني بدهن زي الزائد .. يعني مرة طولي وجنبها عرضي ومسافات قريبة ..

لاحظوا كيف

5


من الاخطاء الي كنت اعملها اني ادهن مثلا طولي فقط وعلى طول المكان فتطع التشققات فقط طولية .. او العكس تطلع عرضية ..
وسويت وجهين عشان التشققات تكون اكبر


وتركتها لتنشف شوي ... يعني بس تكون لمعتها موجودها لكن ما بتسيل .. واذا لمسناها بكون اثر البصمة واضح ..
احيانا استناها لتنشف على الاخر فما يصير تشقق واحيانا احط الدهان مباشرة فتصير التشققات حبيبات صغيييييييييييرة


وهذا اللون الي فوق الاخضر المسود ... اخضر فاتح

6


7

وهاي الصورة بعد ما خلصت الكراكلي حبيت اعمل ديكوباج بسيط على الصندوق
ولو اني بصراحة مو من هواة الديكوباج لكن العمل هذا بناسبو الديكوباج


8


وهون ما بدها شرح الباقي سهل

9
بس عتقت حولين الرسمة وبعدين حددتها

10

62 تعليق 15,516 مشاهدة

شاركي في النقاش

سجلي الدخول لإضافة تعليق.

التعليقات

62
  1. @khndkgy

    صاحبة الموضوع
    اعذروني كل مرة بصور بكميرا شكل

    ولا تنسوا اللون التاني بكون بنفس الطريقة الي دهنت في الكراكلي


    11

    12

    14

    وهيك انهيت العمل
    ما بدعي انو هاي فقط الطريقة الصحيحة للكراكلي لكن على الاقل هاي الي زبطت معي من بين الطرق المختلفة



    وفي النهاية خلال هاي الفترة اشتغلت هذا البرواز فحبيت اصورلكم اياه
    15

    ولا تنسونا من صالح دعائكم

    أخوكم ابو احمد
  2. ماشاء الله
    تسلم ايدك
    شكل الصندوق كثير حلو
    اما البرواز فلا تعليق لان اكيد رائع وجميل
    اما اللون فهذا اعز الالوان على قلبي هههه
    واكيد يجنن
    جزاك الله كل خير على الشرح
  3. @smo_alroh_2

    ماشاء الله تبارك الرحمن

    والله ومضبوط تمام هالمرة ويارب دوووووووووم تتوفق وتوصل للنتائج اللي تعجبك وترضيك

    حلوة النتيجة كثييييييييييييييير وحلو حجم العلبة وسعرها واكيد ارحم من العبوات الصغيرة بكثير

    الحلوة حلوة كثير هالمرة اتفوقت بالديكوباج صدق

    اما اللوحة ماعليها كلام لانها تحفة الخلفية جنان

    حلوة طريقتك بس مو غلط اذا اشتغلنا طول فقط او عرض فقط لانه بكل الطريق صحيح

    المهم هو متى نحط اللون الثاني حتى يطقطق مزبوط

    صح لما تحط اللون الثاني بالابر بروش بعطي نتيجة افضل من الفرشاة

    بخصوص هذه الصورة



    الافضل دائما انك تشتغل طريقة واحدة يعني مثلا تبتدي من الطرف اليمين وتمشي الى اليسار حتى تخلص

    مو تحط ضربات هنا وهنا

    لانه مهم دائما نبتدي نحط اللون الثاني محل ماحطينا الكراكلي اول مرة حتى يطلع مطقطق كله مثل بعضه

    وفي النهاية اقول مافي شكر بين الاخوان الله يسلمك وحتى نحن نستفيد منك كثيييييييييييييير

تابعي تجارب أخرى من هذا القسم.