السلام عليكم ورحمة الله
حياك الله همسة غرام و آسفه لأني ماشفت موضوعك الا اليوم
بس حبيت أفيدك بشيء ولو اني ما أدري وبريئه من الحكم على عمليات التجميل دون حاجه أو تشوه واضح
بنت خالتي سوت عملية تجميل للأنف عند دكتور اسمه ( محمد الحواري )
وهو دكتور له سمعته بالتجميل وتلاقينه عند مستشفى دله و يداوم بعد عن ديرما
طبعاً انا شفتها بعد ماسوّت العملية البنت ماتغيرت كثير بالنسبه لي لأني من زمان ماشفتها بس يوم سألتني ماتغيرت ؟
قلت لها أحس انك متغيره بس مادري كأنك سامنه شوي ومليان وجهك ؟
قامت تضحك قالت لا اصبري شوي وجابت صوره جانبيه لوجهها قبل تسوي العملية هي مصورتها عشان تحس بالفرق لأن أنفها هي وشلون أقولك صاير كأن فيه مطبّه على قولتهم :D
المهم حسيت وقتها بالفرق ومدحته مرره وتقول تعامله خطير مع المريض ومريح وماجلست في المستشفى الا يوم بس
طبعا تقول اول ماسويتها كأن أحد كافخني مع وجهي منتفخ ومزرق شوي
بس انه تغير كثير .. وهي سوت العملية بمستشفى دله بالرياض اذا كنتي من هنا
عموماً عزيزتي بعد كل هالكلام حبيت أقولك قبل تسوين أي شيء تأكدي انه جائز ولو اني عاتبت بنت خالتي كثير لأن خلق الله سبحان الله غير
وبالمقابل بقولك قصة راح يسألني الله عن مدى صدقها وماقولها عشان أخوفك او من هالقبيل
أخو صديقة اختي
انا اذكره والله قد شفت صورته ماشاء الله شاب بقمة الجمال ماشاء الله
بس تعرفين اذا الشاب حس انه في شيء مخرب عليه جماله مع انه ماكان واضح اببد ابببد
سوا عملية تجميل للأنف وطلع ومافيه الا العافيه وياسلام اكتمل جماله والكامل وجه الله
بعد كم يوم من خروجه بدأ ينزف أنفه بشكل مرعب ورجع المستشفى ورقدوه ودخل في غيبوبه اعتقد انها طااالت وبعد ماصحى كان فاقد للذاكره وماعرف أهله
على العموم بعد فتره طلع من المستشفى وحاله مايعلم فيها الا الله وتغير الشاب لشاب آخر مايعرف أحد ولا يتكلم مع أحد
بعد كم شهر تقول اخته لأختي انه رقى فوق يبي يتوضى للصلاة وينزل وطوّل مانزل
خافت عليه امها و رقت له لقته متوفي الله يرحمه ويسكنه الفردوس و يرحم حالنا اذا صرنا الى ماصار اليه
قلت لك كل المعلومات اللي عندي حبيبتي ,,
دعواتك ..
سبحانك اللهم وبحمدك أشهد أن لا اله الا الله استغفرك واتوب إليك
بنات المنتدى والي عملت عملية تجميل انف في السعوديه او ناويه تعملها (ارجو الدخول )
متابعة النقاش، صفحة 2