موضوع جديد لاستفسارتكم/ الدكتورة نجلاء محمود

السلام عليكم ورحمة الله وبركاته
اشحالج ياالدكتوره الغاليه .. ان شاالله اتكونين دووم في افضل حال

بنتي ياالغاليه امس كملت السبع شهور :04: ربي يحفظها
مشكلتها بدت الشهر الي طاف من بديت ااكلها
بعد الاسبوع الاول من كملت 6 شهور طلع لها طفح في منطقة الحفاظ ... كنت استخدم السودو كريم الا ان الطفح كان يزيد بدل ما يخف وصارت المنطقه كأنها محروقه
فتركته وبديت بالأكواثينول لمدة يومين تقريبا ... ولما خبرت صديقتي سئلتني اذا بديت ااكلها فرديت بنعم وقالتلي ان السبب يمكن يكون انها تتحسس من اكله معينه ... (كنت بديت اعطيها الرز وبعد 3 ايام ضفت له البطاطس وبعد 3 ايام التفاح ثم الموز والصراحه ما ادري متى بالضبط بدا الطفح )
فتركت الاكل لمدة 4 ايام وفي هذي الايام استخدمتلها كريم سيباميد ولما شفت ان الطفح ما خف وديتها العياده وعطتها الدكتوره كريمات والحمد لله راح الطفح
وبعدين رجعت اعطيها الرز.. ولاحظت ان الطفح بدا يرجع فوقفت عنها الرز وقالتلي الدكتوره عيل يمكن انها تتحسس من الرز وقفيه عنها وعطيها اشياء ثانيه ... بديت بالبطاطس المهروس واليوم هو ثالث يوم ولاحظت ان الطفح يزييييد عندها والمنطقه محمرررره ومحببه جدااااااااا
ما ادري شو لازم اسوي .. هل فعلا هذا الطفح من الاكل والا يمكن في اسباب ثانيه ؟؟؟
علما باني انظفها جيدا وقت تبديل الحفاظ واستخدم كريم ضد الطفح .. وأريحها من الحفاظات كل يوم لمدة ساعه او ساعتين واحيانا اكثر واحيانا اقل على حسب الظروف وما اخليها بالحفاظه فتره طويله
خبريني يالغلا وريحي بالي الله يريح بالج ويسعدج يارب

اسمحيلي ع الاطاله .. واسمحيلي اذا ثقلت عليج
عساج ع القوه دوووم يارب

جزاك الله خير يا دكتوره

والعصيرات متى ابدأ فيهاا
وسيرلاك بلفيت بلس ابتدأ من 4 شهور شرايك فيه ؟؟

السلام عليكم الله يجزك خير يادكتور بنتي عمرها سته اشهر والشهر الماضي تعبت شوي نزله معويه وخفت الحمدالله بس يادكتوره سولها تحليل وقالواان الدم عندها 10 الدكتور الي سوى التحليل قال كل شي تمام واما الدكتور مستشفي خاص قال لا تحتاج حديد وان محتاره وهي تاخذفتامين د والكالسيوم هل ارجع اعيد التحليل وم 10 طبيعي وزنها الان خلصت سته اشهر 7 كيلو و300 جرام هل تحتاج الي حديد

الله يخليكي يادكتوره ردي ضروري وهل وزنهامناسب والف شكرا