عيالك مجننينك أدخلي و سجلي معنا....

هلا فيك يا أمهات و أخوات:

ماشاء الله ، الحين عددنا صار 11 وحده ، كويس راح نتظر شوية يمكن أحد يسجل معنا ،، وش رايكم نبدأ بعد أسبوع يعني السبت الثاني لانه بكون في زيارة عند أهلي و يمكن أطول ، و لما أرجع راح أكتب لكن الحاجات العامة اللي راح نسويها ثم الحركات الاسبوعية.......

مشكورة على التفاعل ، و لا تنسوا ان يدا وحده ما تصفق يعني لزم تكون بيننا تبادل و مقترحات ،، لانه حتى أنا أعاني من عيالي و المشكلة انهم كبار الولد 8 سنوات و البنت 10 سنوات بس البنت مقدور عليها لو يعقل أخوها خلاص الله يهديهما قلق ....

اولا مشكوره اختي على هالموضوع بصراحة جة في وقتة لاني من كثر ما اكتب في المنتديات عن ولدي وهو بيكمل الاربع سنوات في شهر ثمانية ومو عارفة للحين اشلون اخلية يصير هادي وهو عندي الوحيد يعني للحين الله ما رزقني بالثاني ان شاء الله قريب يا رب يا كريم
المهم بنات اني ولدي من الاولاد زائدو النشاط يعني عنده نشاط زائد يعني ما يقعد ولا دقيقة واحده على الارض من يوم هو صغير ما ادري اشلون اتعامل معاه وديتة مدرسة خاصة عشان يفرغ الطاقة اللي عنده في شي مفيد لكن للاسف من ايجي البيت يطلع الاولي والتالي ولا كان واحد جاي تعبان من المدرسة كلة همة اللعب وبس والضرب والعصبية ولا يرضى يكتب بالمره يعني ضغطنا على روحنا وصرفنا كل ما عندنا من فلوس عشانة واحنا ناس على قد حالنا والمعاش كلة في القروض والمدرسة وما نصفى على شي ان شاء الله يصبرنا ويرزقنا كل خير ان شاء الله احنا والمؤمنين والمؤمنات مثل ما قلت لكم كمل السنة كلها وهو على هالحال احس ان ضميري يعورني اذا اجوفة جذية واصيح من كثر ما اجوفة جذية لان ما تم شي ما استخدمتة وياه لكن بدون فايده ان شاء الله الله يفرجها علينة ويفرج عنة عما قريب يا رب ودعواتكم بنات ترى احنا محتاجين البعضنا البعض عشان نكمل اللي راح نبنية في اولادنا عشان يكونون اولاد صالحين عارفين ربهم والله يهديهم ان شاء الله ومن كثر ما زوجي ايجوف حركاتة يقول ما امبي اولاد خلاص

أنا أحس أني محتاجه للموضوع هذا عندي بنت عمرها ست سنين وهي متمرده وكثيره التأفف وأحس أنها غيوره كثير يعني ملابس الغير تبي مثلها وأي شي تشوفه عند عمتها تبي مثله وعندي ولد عمره ثلاث سنين لاكن أقسم بالله أني أبكي ساعات منه مجنني ماعرفكيف أشخص حالته هو كثير الحركه وحطوا تحت الكلمه هذي ألف خط وعنيييييد جدأ وقليل النوم ولاكل وياه معركه ودوم يقولي ماحبج ومع أن أبوه يدلعه ويفضله وايد علي خواته إلا انه بغيابه يقول ماحب بابا وكثير يضرب خواته ومايحترم حد يعني يسب الكبير والصغير وأسلوبه مخلي الكل يعافه وعندي بنت عمرها سنه وتسع شهور وهي عنيده يعني حتى لوضربتها عشان تخلي اللي بيدها مستحيل تفكه وهي ماتحب الناس يعني ماترضى تروح عند أبوها ولاجدتها وجدها ولاخوالها وعمامها يعني لزقه فيني حتى في البيت بصراحه عيالي كبروني وايد وطول اليوم كر وفر وياهم أدعولي اللع يهديهم وخاصه ولدي علي لاني أعاني منه كثير.

السلام عليكم أخواتي الحبيبات
هذا الموضوع يشغل كل أم محبةلأولادها
تطمح لأن يكونوا أحسن الناس
أنا زيكم عندي بنتين غيداء 7سنوات وريداء 6 سنوات
وحامل الآن في الشهر الخامس بتوأم
الله يستر من الأيام الجاية شايلة الهم من الآن
كيف راح أقدر على طلباتهم
وياريت على الطلبات كمان .................في المشاكل والضرب اللي ما ينتهي بينهم
قراءة مرة في مجلة ...........
أن الأطفال أذكياء ولهم أساليب كثيرة في استفزاز الأم
وجعلها عصبية وهذه الخطط إذا نجحت يحس الطفل بالانتصار
وبالتالي يستمر بها... من هذه الأساليب ( العناد- البكاء المستمر - الشقاوة -ضرب و إيذاء أخوانه -تخريب المنزل - كسر ألعابه -عصيان الأوامر ) وغيرها الكثير
فعلينا جميعا بالصبر والدعاء لهم بالهداية
الدعاء ليس لنا غيره... فهو الحل الأمثل... مع تهدئة الأعصاب وعدم الاستسلام لهذه الأفكار المحبطة
مثل (أنا فشلت في تربية آبنائي -انا أم سيئة -حاولت لكن بدون فائدة)
علينا جميعا التحلي بالأمل لأننا لونظرنا إلى أطفالنا وهم نائمون لوجدناهم بدون حول ولا قوة
ضعفاء وابرياء .......
ليس لهم ذنب سوى طفولتهم الشقية المحبة للاكتشاف والمغامرة
وأصبر نفسي واخواتي بأنهم كالغرس الصغير يحتاج الكثير من الرعاية والعناية
والسنين الطويلة المرهقة حتى يكبر وينمو ويشتد عوده...
والله في عون العبد مادام العبد في عون أخيه ( فما بالكم بأبنائه )

يوه يا بنات اختي عندها ولد عمره سنة وشهر ومجننها المشكلة انها حامل ومسكينة مو مكفيها الي في بطنها قاعدة تلاحقه من مكان لمكان كب الرز على الأرض ومسك الزبادي فتح وقعد يمشي في البيت يكبه وجا على العصا حقة المكنسة وطق التلفزيون الين ما شبع وما اكتفى بكذا مسك السلك مال التلفزيون وجره الين وقع التلفزيون على ويهه ( ويه التلفزيون ) بس الحمد لله جت سليمة اما التلفزيون مسكين راح فيها وغيره وغيره اختي تفكر تحطه عندنا بس احنا في مدينة وهي بمدينة ثانية يعني صعبة والله اختي كرهت العيشة رايحة فيها مو طايقة نفسها حتى شنطة ملابسه مسكها ودار على البيت كله فيها الين وزع الي فيها كله ولما جاء الاب قال وش هالفوضى وطلع وتركهم ياناس وش الحل ؟؟