تجمع لأحلى عرايس عآلم حواء * 5* ،، وأي شي يخطر بالكم تعالوا نتكلم فيه ^-^

17 يناير 2010

كيوتm

تسلميييييين يا قلبي والله ريحتيني لاني ماقد سمعت فيها وشايله همها
والله يوفقك ويرزقك بكل اللي تتمنينه عاجلا غير آجل

ورود العالم

ياقلبي انا نفسي شييينه مره ومو اي شي اتقبله بس العصير طعمه مررره حلو يعني كانك تشربين آيسكريم بس ذايب
واشربيه الصبح على الريق أو قبل تنامين عادي انا عني اشربه قبل انا علشان اذا شربته الصبح ممكن يشبعني وما اكل شي
بس ترا اذا انتي ما تبغين تمتنين لا تشربينه لانه شوي يمتن
بس مررره حلو مغذي للبشره

ومشكووووره يا قلبي على الخمريات
والله يوفقك وييسر امرك ويلم شمل أهلك عاجلا غير آجل

joooooory

انا بعد جربت اسكينول الليمون مع نشا

صادقه والله مرررره خطيره تنظف الوجه وتخفف الحبوب

نصيحه يا بنات خلوها عاده يوميه كل ماصحيتي او قبل تنامين غسلي وجهك فيها مررره حلوه

مهم للعرايس

احرصي وقت شهر العسل انك ماتقعدين فتره طويله ماتدخلين في فمك شي حتى لو حلاو ولا شوكليت اي شي
لانه اذا قعدتي فتره ماحطيتي في فمك شي شي طبيعي انه تصير ريحة النفس مو حلوه
اهم شي تاخذونه من ظمن جهازكم حلاو بولو مرره حلوه خليها صديقتك في كل مكان
وفيه شرائح النعناع اول ماتقومين من النوم خليها تحت مخدتك بعد واول ماتصحين حطي في فمك وحده على طول قبل ما تتكلمين مع زوجك
لانه ريحة النفس اذا ما كانت حلوه تترك انطباع سلبي في نفس زوجك
واهتمي انه زوجك ما يشم منك الا الريحه الحلوه في كل وقت

جهاز العروسه

بخصوص الملابس
لا تخلين ملابس البيت كلها مشخلعه ومفتحه , غيري بين المسكر والمفتح
لانك اذا قعدتي تلبسين دايما ملابس مفتوحه بيصير شي عادي عنده
لا انتي خليه يشتاق يشوف كل مكان من جسمك مو يشوفه كل يوم وخلاص يصير ما يعني له شي
وغير كذا قمصان النوم خليها لوقت النوم بس مو تجلسين وتاكلين وتتمشين فيها بعد مو حلوه

ونصيحه نصيحه نصيحه دايم اسمعها
ملابس البيت وحتى القمصان مو لازم من الغالي والماركات ترا الرجال ما يفرقو بين الماركه الغالي والرخيص اهم شي انك تلبسين شي يناسبك وحلو عليك ويطلع الاشياء الحلوه بجسمك ويخفي عيوبه
حتى قمصان النوم مو لازم غااليه اهم شي يكون ملمسها حلو وناعمه
اوكي اشتري كم قطعه غاليه انبسطي فيها بس خلي الباقي عادي
سيني ماكس فيه شغلات مررره حلوه والهرم ملابس البيت فيه تجننن فيه شغلات حلوه وغريبه ورخيييصه مررره
البنطلون عندهم ممكن يجي بعشره ريال او عشرين والتنانير القصيره عندهم والله ولا تنانير الماركات وعلى اربعين ريال
لانك اصلا بعد الزواج لازم بيتغير جسمك وبتشترين شي جديد وهاذي كلها بالزباله وحتى لو ماتغير جسمك بعد فتره بتملين وودك تغيرين
وملابس السهره مررره لا تكثرين منها فستان ملكتك وخذي لك اثنين بالكثير اذا كان فيه زواجات ترا مرررره خساره وبتضيعين مهرك عليها
الأندر وير كثري منها مرررره بتفيدك وخذي من النوعيات الكويسه لانك تستهلكينها غسيل ولبس

الاكسسوارات

ولا تنسون الاكسسوارات الناعمه للبيت خلاخيل وتعليقات ناااعمه تناسب الملابس وحلقات حلوه وصغنونه باشكال غريبه
واكسسوارات الشعر نوعي بين الورد والاطواق وربطات الشعر مررره حلوه تغيري فيها

العطور والمكياج

ووووووو العطورات كثري منها اكثر شي بتستفيدين منه العطور ولا راح تندمين لانك بتتسبحين بالعطر ووبتبخين كل شوي علشان تصيرين فواحه
وخلي لك عطر خاص في البيت لزوجك بس هادي ورايق وبخيه في كل مكان في ملابسك وعلى مخدتك علشان ابو الشباب اذا نام في مكانك يشم ريحتك فيه
والمكياج لاااتكثري منه خذي الاشياء اللي تستخدمينها وتناسبك بس لانه خساره والمكياج يقدم لازم بين فتره وفتره تغيرينه

ووووولا تنسون الفواحات وخذو الشموع حقتها والولاعه
ووومبخر الكهرب بعد حلوو ومهم وخذي معه عوووده موب بخور عادي عوووده من النوع الكويس

ولااااا تنسون تاخذون مكوا صغير ماتدرن وش يصير ووين بتروحون

وهذااا اللي في بالي اللحين طبعا من تجارب بنات عمي والعالم اللي حولي
وفيه اشياااء كثيررره بس خلاص المخ قيم

وبالتوفييق يا حلوات

بنااات فيه اللحين في العيادات زي ايما وديرما تبييض للركب والأكواع مين قد جربتها او تعرف احد سواها
وتتوقعون صدق تنفع ولا كلام فاضي

وسؤال ثاني وش رايكم في مخلطات الماجد للعود حلوه ولا ريحتها تصدع الراس ودي بشي خفيف راسي يصدع بسرعه من العطور

تجمع لأحلى عرايس عآلم حواء * 5* ،، وأي شي يخطر بالكم تعالوا نتكلم فيه ^-^

التعليقات

العباية والإكسسوارات: أناقة تجمع بين التقاليد والعصرية

تجمع العرايس 1439

تجمع للعرايس من بعد اذن الادارة :) يوجد تجمع للعرايس

إعلان >>> يمكنكم فتح تجمع جديد للعرائس

عرائس شهر 12 / عذرا يوجد تجمع للعرائس