شاركي في النقاش

سجلي الدخول لإضافة تعليق.

التعليقات

106
  1. @fatn_7

    آخواتي المنتدى يسمـــــح بمشاركة الاخوه الرجال معنـــا..

    نتمى تكون الردود غيــر خارجة عن الموضوع
  2. صاحبة الموضوع

    المشاركة المقتبسة غير متاحة.

    الله يعطيك العافية اختي هلا نجد طقم ذهب واضح انو الكل اجمع على كذا واتضح انو الابيض هو الافضل كويس نبهتيني على التغليف اي احرص ممممم المهر لا راح اعطيه الاب وقت كتابة الكتاب مشكورة اختي
    -------------------------------------------------
    فانكوشا

    والله انك صادقة ان الديون تقلب الهم الحمدلله للآن ما وصلت هالمرحله والله لا يجعلني اوصلها مشكورة اختي عالنصيحة
    -------------------------------------------------
    ام رتو

    الله يبارك فيك اختي لو اكتفيت بالشبكة عادي والله بس انا ابي زي ماقلت الانطباع الاولي يكون مره كويس وان شاء الله بعد الملكة الامور تكون اطيب من كذا والله ييسر الامور عمومات افدتيني والله بشغله مهمه انو لا اروح عندها ويدي فاضية ربي يعافيك ويكتب اجرك ويهنيك مع زوجك
  3. بقولك طريقة حلوة روح لمحل العربية للدهن والعود واخذ منهم عريبه تكون فخمة جدآ سواء لونها ذهبي او فضي تلقآهآ هم مجهزينها للآخر
    وبعدين حط الشبكة فيها طبعآ لآبد من صندوق فخم ويكون معها الدبل ولو حصل ساعهـ بعد

    لكن العطور هذي خلها بعدين لو جيت زيارة تقدم لها على شكل هدية

    ربنا يوفقك :)
  4. اخوي على ضمانتي روح طريق الملك فهد خلي التميمي على يمينك وامشي سيدا لحد ماتوصل الى العاب الحسين
    بجنب مركز التخصصي تلقى محلات الصفوه عندهم صناديق حلوه وعطورات ودخون تاخذ العقل وب اسعار معقوله..
    هذا بالنسبه للعطورات والصندووق.....(ترا في عطر يجنن رقمه 127 اسمه كذا 127..
    اما الذهب عندك شارع العليا فيه بعد المملكه عند كدون ومشغل فاشون محل ذهب اسمه الالماسه البيضاء
    عندهم دبل واطقم حلوه..
    والله يوفقك اخوي ...
  5. @am_fhooody_1

    مرحبا اخوي ...
    الف مبروك والله يتمم لك على خير ويوفقكم ...

    بالنسبه للطقم ماراح اتكلم فيه بس لو كان ذهب احرص الدبله تكون الماس :) والساعه بتلقى بالدهام بحدود ميزانيتك :) برضه الماس .. وبالنسبه لتضويق الدبله عادي تتضيق مافيه مشكله حتى لو الماس .. وغلشان تكون اضمن اطلب من اهلها مقاس خل امك تكلم امها واطلب مقاس خاتم لها .....

    التقديم ..
    بما انك خبره بالمعيقليه روح ودور لك عربيه تقديم تلقاها بمحلات العود والعطور الشرقيه واختارها على قزاز وحديدها فضي اذا كانت شبكتك ذهب ابيض ...وانا يوم شبكة اخوي شريها من الرياض مول واذكر ان سعرها مازاد عن 300 ريال ..
    ووديها محل زهور قبل الملكه بيومين واتفق معاها على طريقة تزيين للعربيه بالورد الطبيعي بالطريقه الي تناسب شكل العربه وطبعا العربه بتكون دورين ... فوق تحط الشبكه بعلبتها وخل المحل يتوصى بالعلبه ...

    والدبله وممكن تقدمها بهالشكل ..










    وترى ببيرمون غالي تغليفه صراحه بيغلف لك العطر بـ 300 ريال دايم اذا غلفت فيه اتحسف يطلع التغليف نفس سعر الهديه الي غلفتها فشوف لك محل ارخص منه ...
    والفلوس حطها بعلبه وانثر ورد مجفف بالوان الورد الي بالعربه وعطره واربط الفلوس بشريطه وردي مخمل وسكرها ..

    والام ممكن بدل الفلوس تشتري لها بنفس القيمه اسواره فخمه او اسواره وخاتم ...

    والعطور اشتري 4 عطور و2 دهن عود واحد توله والثاني مخلط وتكون من النوع الزين ...
    وبالنسبه للعطور .. Triple تلقاه بباريس قاليري سعره 400 ريال مررره رائع وراقي ..

    هذي صورته ..

    Trouble by Boucheron



    وعطر توم فورد الي ذكرته الاخت قبلي مرره حلو بس ترى الاسود احلى من الابيض وبرضه بتلقاه بباريس قاليري ..


    وهذا عطر فرنسي ولكن ريحته شرقيه لكن جدا رائع وفخم زي المخلطات لكن راقي جدا ومميز
    مانسيرا




    واخر شى نجي للترتيب ...
    مثلا الوان ورد الي بالعربه ابيض وووردي وفوشي والورق الاخضر ..
    الخداديه حقت الدبله بيضاء والشريطه خضراء وعليها ورده زي اخر صور تكون غير لون الشريطه وردي او فوشي ..
    العطورات غلفها كل عطر بلون واحد اخضر والثاني وردي والثالث فوشي والرابع ابيض والشرايط عكس بعض يعني الوردي شريطته بيضاء والابيض خضراء والخضراء فوشي والفوشي بيضاء وخذ لوح فلين ثبته بالدور الي تحت بالعربه وحولينه ورد يعني مايبين من العربه الا لوح الفلين الابيض ولصق العطورات فيها بطريقه حلوه ومو جامده لا واحد يكون مايل ومتكي على عطر منسدح وبينهم اغصان ورق اخضر وكذا لحد ما يترتب شكلها وتكون الشبكه فوق والدبله واذا فيه مكان ثالث حط صندوق الفلوس وهدية امها انا العربه الي شريتها كانت تقريبا دورين وبينهم بس ابرز منهم زي فكرة البلكونه رف ثالث ان شاء الله تكون فهمت على شرحي وومكن تقدم معاها كرت تروح لمحلات كروت الافراح وتختار كرت فخم خامته قويه يا خشب او حديد وبعلبه وتكتب فيه اسمك واسمها والمناسبه وكم كلمه حلوه بهالمناسبه ويصير تحتفظ فيه لذكرى ملكتكم ... ان شاء الله افكاري تعجبك واكون ساعدتك :39:

تابعي تجارب أخرى من هذا القسم.