للاسف جاري البحث عن صديقة صدوق وكان عندي صديقات ومهما صادقتني أحس مو صادقه معي أو تخبي عني مع أني أحب الصراحه والوضوح مو الغموض فلذلك صادقت نفسي أحسن لي
اسمحيلي حبيبتي لاتزعلين مني انتي غلطتي انتي الي ضيعتيهم مثل ماتقولين لكن مو هذي نهاية العالم اذا هم صديقات فعلا وانتي غلطتي في حقهم ونسيتهم بامكانك تدورين عليهم شوفي الي كانوا قريبين منك مرره واهم شي تكونين حافظه اسمائهم الثلاثيه على الاقل دقي على السنترال وقولي له ابغى رقم فلان الفلااني ابوها طبعا واتصلي على بيتهم واسالي عنهها صدقيني هذا احسن حل طبعا مو اي صديقه تسوين هالحركه معاها الي تحسين انها تستهال انك تدورين عليها
ما ابغى امدح نفسي بس والله عندي صديقاتي من ايام الابتدائي مع ان ارقامهم ضاعت وانتقلت لمدينه ثانيه بس سالت الين جبت الارقام لانهم فعلا يستاهلون ومازلت على تواصل معاهم غير اني كونت علاقات عن طريق هالمنتدى ايام ماكنت حامل وعاشرت بنات لفترة 9 شهور من حملي وحسيتهم قريبن مني ويستاهلون يصيرون صديقاتي وطلبت اضافتهم في الايميل واخذنا ارقام بعض والحين هم من اعز صديقاتي<<<<<<<<<طبعا مو دايم تضبط هالطريقه يعني ما انصحك فيها
اهم شي روحي دوري على صديقاتك او ابني لك صداقات جديده وكلنا متزوجين وعندنا مسؤليات بس مو معنى هذا اننا نضيع صديقاتنا
والله انا شايفه بنات هنا ماشاء اله تنحط على الجرح يبرد وانا بصراحه تشرفت فيكم كلكم واتمنى نصير اخوات في الله لاني احبكم ولكم خالص ودي واحترامي والف شكر على ردودكم ومازعلت والله ابدا من احد حبيباتي
أنا مثلك والله العظيم أول أحس الكل يحبني ويبي قربي الحين ما ألقى أحد أتكلم معة واللي صار معك بالضبط صار معي واذا قلت لزوجي تكلم معي يقول الحريم كلامهم فاضي وما احب اسمعه وهو يقعد بالساعات عالنت يلعب بلوت وحتى إذا جيتة قلت تكفى تكلم معي بنفجر يقول تكلمي أنا اسمعك ببرود وانا احترق ولو تكلمت ما يعلق بس يقول ايه ايه وبس وصديقاتي ايام الجامعة كلهم ما تزوجو بس احس انهم ما يبون يكلموني ولاني اذا دقيت عليهم ما يردون علي ويتعذرون بأعذار أنا افهم منها أنها تصريف مدري زعلو مني عشاني أنشغلت أول زواجي مدري والله عنهم والله ضيقة صدر بس يالله أهم شئ الصحة وأدعوو لي الله يسخر لي زوجي ويصير خاتم في أصبعي:icon33: <<تحلم