اهلين ياحلوات
دخلت دورة انماط الشخصية .. الصراحة دورة رائعة جدا واستفدت منها كثير
بالنسبة لي طلع شخصيتي اكثر شيء غربي وبعدين شمالي واللي تفاجات انه فيني من صفات الجنوبي
ولقيت من الشرقي صفة وحدة بس علشان كذا فسرت عدم قدرتي على ضبط المصاريف وما اطيق التدقيق بكل شيء
انصحكم يابنات تدخلون مثل هذي الدورة بجد فادتني كثير ...
وغير كذا تفهمين نفسيات اللي امامك وتعرفين مفاتيحهم وكيف تتعاملين معاهم .. واهم شيء نفسك تعرفين ايش هي شخصيتك بالضبط وتحاولين تطورين جوانب القصور فيها ...
بتقولين وش دخل الدورة بالحملة انا ابقولكم ...
لو لاحظتوا الحملة فيها ناس يحبون يقسمون تقسيمات دقيقة للراتب ويعرفون ماشاء الله كل ريال وين راح ؟؟
هذولا شخصيتهم شرقي هو اللي يحب يحلل ويفصل
عندك الشخصية الغربية مايهتم وين راحت الفلوس اهم شيء وش شريتي يهتم بالنتيجة النهائية ...
وبكذا عرفت سبب الخلاف اللي بيني وبين زوجي في تنظيم الميزانية لان زوجي شرقي شمالي يبي كل شيء بالتفصيل وانا ماني طايقة التفاصيل وغير كذا الشمالي يهتم بالوقت وايش انجزتي من اعمال في وفي اسرع وقت ؟؟
فاذا جيت قلت له شريت كذا وكذا واسكت احسب انه فاهم ليش انا شريت هذا الشيء !!!
فاذا شريت مثلا حلويات وشوكولاتات لازم اقوله شريتهم علشان هذا النوع استخدمه في حلا كذا وكذا
ولانه يهتم بالوقت اقوله مثلا واذا ماعندي وقت لعمل الحلويات فك هالقراطيس وكل منها اسرع ..
واذا اباخذ منه فلوس اشتري مثلا مقاضي المدرسة لازم اعطيه بعض التفاصيل اني شريت شنطتين قيمتهم كذا واقلام وبرايات قيمتهم كذا
سبحان الله ماكنت اهتم بهالتفصيل الدقيق ابجرب معاه هالاسلوب واعلمكم هل هو ينجح ولا لا ؟؟؟
حملة "رتبي حياتك المادية" ومشروع رائع للجميع
متابعة النقاش، صفحة 442