نهاية المرعبـــــه لحملي..الحمدلله الذي لايحمد على مكروه سواه

بداية الحمدلله على كل حال

قصتي كما ذكرته قبل

كنت بالشهر الرابع لي اسبوع

رحت للدكتوره معاي الم دوره قالتلي متوقف نبض البيبي من اربع اسابيع

رحت لدكتوره ثانيه نفس الكلام قلتلها شوري علي قالت يااعطيك تحويل لمستشفى الولاده

او تشربين قرفه ورشاد بالبيت وينزل وتجين اذا تحتاجين تنظيف انا اسويلك بالعياده بدون عمليه وبنج

رحت البيت اتصلت على الوالده وجت معاها ترمس فيه قرفه وكمون ويانسون وشربت منه

واخذت ملعقة رشاد...........وفجأأأأأأأه نزل مني دم يخوف

يمشي زي الحنفيه مايمديني اغير بالحمام الا ينزل اكثر منه تصدقون الصاله كانه ذابحه فيها خروف دم يخوف:44:

قلت لامي بدخل الحمام بجلس عالكرسي تعبت من تغيير الملابس..دخلت وقفلت على نفسي من دون تفكير لا اراديا

مع ان امي قايلتلي لا تقفلين الباب...

وانزف انزف انزف ودووووووووووب بالحمام يغمى علي

طبعا الاحداث اللي بعدها روتها امي وزوجي لاني اغمي علي

حاولوا يطقون الباب ماارد كسر الباب زوجي واخوي

يقولون مشهد مرعب طايحه والدم من كل جهه

لفوني بعبايه وعلى طول المستشفى

بالمستشفى حولوني العمليات وبعدها طلعوني العنايه

صار الصباح افقت وحولوني على الترقيد

اللي صااااارلي من كلام الاطباء:

هبوط بالضغط+فقر دم حااااد سبب النزيف

ولو كنت متأخره ساعه بس كان وضعي اللحين يعلم فيه الله



نصيحتي ياااااااابنات اذا صار فيك شي روحي المستشفى بدون تفكير خليك تحت عينهم احسن

كل وحده ظروفها تختلف عن الثانيه انا جلست على بالي بسوي مثل تجارب البنات تجلس ببيتها لين ينزل


دعواتكم لي ان ربي يعافيني تعبانه حاليا من الدوخه

وابي اي شي يرفع الدم ويعوض..

100 تعليق 8,330 مشاهدة

شاركي في النقاش

سجلي الدخول لإضافة تعليق.

التعليقات

97
  1. @ghanyh_alhalmh

    الحمد لله على سلامتك حبيبتي عليك باالشمندر والزبيب اليماني يرفعون الدم بسررررعه لا تتركينهم الشمندر سويه سلطه والزبيب ممكن عصير في الخلاط او تنقعينه اوتاكليه كذا والله يعوضك واياني عاجلا غير اجل
  2. الحمدلله على سلامتك

    والله يعوضك بمافيه لخير يارب

    عليك بالزبيب اليماني الخلطيه مع عصير برتقال وتفاح
    وماتشوفين شر

تابعي تجارب أخرى من هذا القسم.