يامعلمات خافو الله في بنات الناس
عند بنتي ابله تعطي البنات يصححون الكتب اللي في نفس الصف
ومره رحت للمدرسه ابغى استفسر عن سبب الاخطاء الكثيره اللي بالكتاب حتى ان فيه دروس لسا مااعطوهم اياها البنات حاطين عليها علامات استفهام
عاد انا كنت احسب المهمله بنتي وكل ماسألت طلع فعلا الدروس لسا مااخذوها
عاد رحت انا وحكيت المسئوله عن الطالبات الكلام هذا وراحت تفاهمت مع المعلمه
جتني المشرفه وقالت المعلمه تقول هي مره وحده البنات ازعجوها يبغو يصححو الكتب وماراح تنعاد
قلت لها حصل خير انا كنت احسب البنات ياخذون كتاب بنتي ويصححونه بدون علم المعلمه وحصل خير
المهم....
من بعد ذاك اليوم والابله كل يووووم توقف بنتي طول الحصه وتخاصمها بدوووون سبب
شكلها شالت بقلبها
الحين ايش الحل
مااقول غير حسبي الله على كل معلمه ظااااااااااالمه وماتسوي شغلها بضمير
بنات الناس ماهم لعبه
حسبي الله ونعم الوكيل حسبي الله ونعم الوكيل
الحين بنتي تصيح ماعاد تبغى تروح المدرسه
وماني مسامحه المعلمه ليوم الدين
احذرن يامعلمات لان هذي مسئوليه تسألون عنها يوم القيامهِِ
انا لااعمم على الكل فيه معلمات والنعم فيهم ...ولكن فيه فئه .. الله حسيبها
{إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُوماً جَهُولاً }الأحزاب
شاركي في النقاش
سجلي الدخول لإضافة تعليق.
التعليقات
31- الحل تروحين للاداره وتتفاهمين معهم وتطلبين نقل بنتك الترم الثاني للفصل الثاني اذا كانو فصلين
- والله اخاف اروح للاداره وتكبر المشكله
غير كذا بنتي الثانيه بنفس المدرسه واخاف هالمعلمه الله ينتقم منها تتونس على بناتي وتكرهم
لا والمشكله الاعظم انها معلمة تربيه اسلاميه !!!!!!!!! - حسبي الله ونعم الوكيل
روحي للاداره - روحي للمدرسة وتفاهمي مع المديرة وبعدها ناقشي المعلمة وادخلي بعينها بنات الناس مولعبة
ولازم تواجهي المعلمة لاتتركي بينك وبينها وسيط. - حاسه فيك لاني عانيت كثير من مدرسات المرحله الابتدائيه ....وردة فعلهم لو اشتكيتي اواتكلمتي عليها ,,,, اصبري كم يوم وشوفي كيف يكون الوضع ...اذا استمر الوضع زي ماهو روحي المشرفه الاجتماعيه وكلميها .......
مواضيع مشابهة
تابعي تجارب أخرى من هذا القسم.