لوبي الأسهم الإماراتية

الله لا ييب الزعل بينا يا خواتي
أنا ودي تحطون إيدكم بإيدي وتثرون الموضوع معايه بمعلوماتكم
أنتو .
خواتي حاولو تدورون على معلومات من خلال النت و الكتب
أقعدو مع أخوانكم أزواجكم وأقاربكم تعلمو مب عيب هالشي
وممكن تروحن المعهد تقوليلهم أبا درس في الرياضيات
وأطلبي من الإستاذ يعطيج درس عن الأسهم
البيع والشراء
والعمولة
وتعديل الخسائر
بيكون أحسن وأحسن لو سويتو هالشي
ترا أنا مثلكم ماكنت أعرف شي
بس حطيت الشي في بالي وقاعدة أثقف عمري فيه

وخذت عهد بيني وبين نفسي ما أذخر معلومه عن هالشي عن بنات بلادي

متبع قول الرسول صلى الله عليه وسلم حب لأخيك ماتحب لنفسك .

وعشان رب العالمين يوفقني في كل شي أسويه في حياتي
ويسرلي أموري .

يا أختي قبل لا تخطين أي خطوة
لازم تكون عندج الدراية الكافيه
عن الأسهم
يعني ثقفي نفسج عدل عن الأسهم
عن طريق المطالع الإنترنت القراءة الأهل والأقارب والأصدقاء
وأنصح الكل أنه يا خذ كتاب أسمه
دليل التعامل في سوق الأسهم
مترجم لكاتب أسمه مايكل سينسير
والله أن هالكتاب وايد مفيد وشرحه ميسر بطريقة وايد حلو
بفهمج موضوع الإسهم من الألف للياء
وأنا شخصيا فادني وايد وايد وايد
بس هذا إذا لقيتيه لأن المكاتب تييب كميات كبيرة منه
ويخلص في أقل من يومين من كثر الناس إلي تحب تتعلم عن الأسهم
وهذا الكتاب فيه أجابه عن أسئلتك
وإذا مافهمتي شي تراني حاضرة
وعلى فكرة أختي ترا فيه برامج ممكن تحللج السهم
ممكن يطلع أو ينزل
ونظيات رياضية بعد ممكن تطبق على السهم في حركته
بس لا تصدعين راسج بهالشي لين ما تقرين هالكتاب عدل
وردي عليه خبر شو سويتي

تسلمين الغالية
والله تعبتج
وان شاء الله اذا لقيت معلومات عن الاسهم بحطها اهني
ومشكوورة حبيبتي
وان شاء الله بدور عالكتاب
وتسلمين

مشكوره الغاليه البدويه

ونحن نحاول نتعلم ونفيد ،، بس للأسف خبرتناااا مب كافيه

وبحاول حط لكم ملف مرفق لحساب الأسهم وان شاء الله يفيدكم

افا عليج اختي لييش الزعل ... الصراحه احب ادخل موضوعج من فتره لي فتره اشوف شو اليديد لان عندي اسهم وريلي يقول يبا يبييع الحين اقوله لاا اتريااا لان السوق طاايح اقوله فرصه الحين للشرا والبيع بعدين لانه كله اكتتابات مش خسراانين في شي يعني لو اترينا
وانا اشووف الدار احسن شي الحين لانها ناازله يعني الواحد قد مايقدر يشتري فيهن ولا شو رااايج؟؟