ليش تدعوا على الزوجة الثانيه

صادقة الذنب موعلى البنت الذنب ذنب الرجل هو اللى راح تزوج
يعنى باختصار اذا بتدعى تدعى على زوجها مو على بنات الناس

الزوجه الثانيه مالها داعي تبني سعادتها على تعاسه غيرها

التعدد شرع الله ولا يجوز لكم الإعتراض لشرع الله...

التعدد شرع الله ومافيه غلط لا من الزوج ولا الزوجة الاولى ولا الثانية ولا الثالثة اذا كان قائم على شرع الله

وقائم على حدوده...

والوفاء للزوجة الاولى اوالثانية او غيرها مو لازم يقيد بعدم زواج الرجل....!!!!

ياكثر اللي خاينينهم ازواجهم بالحرام.....ولا تزوج ولا شي....

يعني الزوج الوفي الرحوم الطيب هو هوه ماراح يتغير عدد ام لم يعدد...

والكلام هنا ان الزوجة بجميع حالاتها اولى ثانية ثالثة رابعة تخاف الله وتراقبه ولا تضر احد

وتصبر وتحتسب ان ما اصابها مقدر وستجد نتيجة صبرها عند ربها يوم الحساب فعند الله لا يضيع شيئا...

كلامك ياعسل سليم لكن اعقب على نقطة الزوج هو ايضا لم يخطئ ان خطب بأخرى فهذا حلاله وليس لنا ان نعترض..

الخطأ منه لو لم يعدل والخطأ من الزوجات عندما تظلم احداهما الأخرى ..

واقول لكل وحده تقول انها بتنجن اذا تزوج زوجها او بتطلب الطلاق لييييييييييش...؟؟

انت ما عندك اطفال تحبينهم ويحبونك...؟؟؟

مو حرااااااااااام تتركيهم او تصابي بحالة نفسية او ووووووو........... عشان زوجك تزوج....؟؟

يعني حبك لزوجك يخليك تنسي اولادك واهلك وصديقاتك....

اعط كل شي حقه واسعدي نفسك بنفسك ولا تنتظري سعادتك من زوجك فقط فهناك الكثييييييييير من الأشياء

التي تسعدنا وتستحق ان نسعدها ونسعد لأجلها وليس الزوج فقط..........

انتو جيتو عالجرح انا زوجي قبل فترا ملك عل وحده مطلقه ومعها ثلاث بنات اكبر من اولادي ونا وافقت وش اسوي صاير متعرف عليها لمدة سنه والحين ملك عليها يقول عشان يعف نفسه من الحرام المهم انا قلت له اهم شي تعدل ولا تضلمني ابد ولا تشتت اولادك بالعلم يابنات ان الي قهرني اكثر شي انه مافقلبه رحمه شايفني حامل وهو يخطط لسعادته طيب كان انتضر لحد ما اولد وسوا الي يبي الي صار يابنات استسلمت للامر الواقع ووكلت امري لله لكن بعد ما ملك معاد صار يقعد فالبيت زي اول علطول برا البيت وهيا صايره تدق عليه كل دقيقه وثانيه وهو عندنا لا والي يقهر اكثر اني شرطت عليه ميسوي ملكه يسوي ملكه فزواج مره وحده عشانها مطلقه ثلاث مرات وقد سوت اعراس وفساتين بيضا فماله داعي تسوي عرس تسوي ملكه وزواج فنفس الوقت ,,بعد ماملك قال البنت رفضت تيجي معاي تقول لازم عرس وقصر افراح ولحد الان صارلهم شهر يسحبون فيني هوا وياها المشكله حنا عندنا نقل لمنطقه ثانيه ولازم اخلص عشان ابغى اروح اجهز الشقه حقتي واسجل ولدي عالترم الثاني هناك وهو لساته يقولي بعد ميخلص موضوعي بالله مو ضلم الله ينصرني على من ضلمني ويجعل كيدهم في نحرهم زي متعبوني الحين راح يقابلها وكل مدق عليه عالجوال يديني مشغول ويرسلي مسج انا عند زوجتي نرتب لامور الزواج وكل يوم على هالحال يرتبون امور الزواج ونا مطنشني الله ينصرني على من ضلمني ولا حول ولا قوة الا بالله

اهلين حبيبتي
وضوعك ملياااااااااان شوك و صعب النقاش فيه
بقول لك ليه ؟
الحياة الزوجيه بين الزوجين بكل تفاصيلها شيء خاااااااص جدا من الصعب على الغير معرفته و فهمه مهما كان قرابته
و هذا طبعا اللي يخلينا نحكم على الرجل عند زواجه الثاني هل له الحق او لا
مع ان عندي قناهع ان الزوجه الأولي هي الوحيده اللي تعرف نفسها و تعرف هل هي ظالمه او مظلومه في هالحاله



لكن باختصر لك رايي في الزوجه الثانيه بفكرتين


1 - اذا كان الزوج راغب في الزواج الثاني و هو اللي بحث ع الزوجه الثانيه بدون تخطيط منها او من احد من اهلها
و بعد الزواج ما حرضت زوجها على زوجته الأولي


لا و الله ما تستحق الدعاء عليها
لأن ما لها ذنب لا اول و لا اخر


2 - لو كانت الزوجه الثانيه هي اللي تحرشت في الرجال
وهو كان في حاله و لا فكر في الزواج الثاني
او احد من اهلها هم اللي لزقوها فيه و عرضوها عليه بشكل مباشر او غير مباشر
او تعدت على حقوق الأولي و حرضت الزوج عليها بعد الزواج


تستاهل الدعاء عليها
و دعوة المظلوم مستجابه


الله يسعد الجميع ويوفقهم و يستر علينا و عليهم
اختكم القمر_1