ماهي الطريقة الصحيحة لوضع المكياج

اول شي لازم تهتمين ببشرتج تغسلينها بغسول ترتاحين عليه انا اافضل صابو دوف ربع طريم مرطب
وحرصي مرة بالاسبوع تسوين تقشير لويهج
ورشي على ويهج تونر بماي الورد ينعش البشرة وينورها
تالي استعلمي مرطبج بعد المرطب استعملي بيس للبشرة وظيفته يثبت الفاونديشن ويحمي البشرة منه
عندج انواع من فورايفر على حسب عيوب بشرتج
او من كلينك الوردي ماركة طبية
او سان لوران تنتد اويل فري للبشرت الدهنية
للمناسبات اخذي بيس من جيرلان اذا بشرتج ذهنية فانصج الي فيه حبيبات الطهب صاير نفس الجل
او بشرتج عادية الى جافة استعملي نوع فيه لمعة لؤلؤية وشكله من برة على حبوب مدورة

بعد تخلصين تستعملين الكونسيلر من ماركات متنوعة بوبي بروان او عجلة كريولان
او فورايفر على شكل قلم hd
او باليت فاوريفر في الوان متعدده وافضل تاخذينخ لانه يفورج كثير من الالوان
وهذي لمحة عن درجاته:

الاخضر للاحمرار
الازرق يخفي عيوب البشرة الفاتحه ويعطي لمعه
اللبنفسجي لشحوب الويه
وبعد ماتحطينه تنرطين شوي وتحذين فوقة كونسيلر بلون بشرتج بالطبطه

نجي الحين لدور الفاونديشن

ويعتمد على حسب نوع بشرتج في بنات بفضلون يكون الاساس نفس لون البشرة والبعض يكون افتح بدرجة يعطي لون للبشرة

الاستعمال اليومي وطلعات الظهر
الماركات التوب
ماكس فاكتر ادابت ( للبشرة الدهنية(
ميبلين مو (للبشرة العادية الى الجافة(
ريفلون كولور ستاي يدوم ل16 ساعه بس لاتحطينه مع المينرال بودر مالته
واذا تحبين لوك طبيعي اكثر استخدمي بودرة المضغوطة لماكس فاكتر الذهبية اشهر من نار على علم
او ممكن تستعملين بيس سان لوران مات توج يعطي لون خفيف وشويه كونسيلر مع بودرة وتطلعين طبيعية هذا اذا كانت بشرتج خالية من العيوب

فاونديشن للطلعات الليلية او العزومات

استي لودر دبل وير مع البودرة<<<للبشرة الدهنية
ويتوفر درجات متنوعة واكثر
ديور النود هم حلو مع المينرال بورد حقة
ديور فورايفر مع البدور المضغوطة فورايفر واايد حلو
قيرلان بارور اكوا <<<للبشرة الجافة

للمانسبات
عندج من كريولان العجلة حلو
استي لودر دبل موير مع ماكسيممم وير تحطين منه جم نقطه بس ويعطيج تغطية فوتوشوب
ملاحظة الدبل وير والماكسيمم وير فوانديشن ضد الماي
او من قيرلان باروراكستريم ضد الماي بعد

اذا كنتي ماتحبين الفاونديشن وتحبين تكتفين بالبودرة
افضل بوردة مضفوطة
ماكس فاكتر
فورايفر
ديور -فورايفر


الماسكرات
بوردوا على شكل عين من برا السودا
ريميل الحمرا فرشتها مقوسة ولاتاخطين الورديه موشي
ديور اليديد ايكونيك
لانكوم هيبنوس


الفرش
N6
فرشة الكونسيلر: من فوريفر

S2
فرشة الايلاينر: من فوريفر

فرشة دمج الشدو من ماك 127
فرشة توزيع الشدو من ماك 239
فرشة قوس العين وتنع لتحت العين من ماك 129
فرشة البلاشر 123من ماك
والاسفنجة حق الفاونديشن


وهذا الي اتذكرة الحين اذا حابة تستفسرين اكثر راسليني عالخاص

جزاك الله كل خير وجعله في موازين حسناتك

سلااااااااااااااااام للموجودات
طريقة استخدامي سهلة وعاجبتني وبلا تكلف وهي
اولا انا كل ما سمعت عن ماركة اساس رحت طاااااايره وشريتها وبعده بكم بفتره ارجع لماكس فاكتور ويالله على ها الحاله مافيه ماركه ما استخدمتها بس ارجع لماكس من جديد وقسم بالله توي جايه من السوق بس عشان ماكس فاكتر
احس هو الوحيد اللي فعلا يقاله مااااااااااااااركه ويناسب كل البشرات
المهم ما عليكم بالطويله وعليكم بالقصيره
وهي:
في الشتاء قبل استخدام الاساس احط طبقه خفيفه على بشرتي من فازلين الكريم بالشتاءلانه مع البرد ماراح يسيح الاساس والفازلين بالذات يعطي نعومه للاساس وكانه بشره قطنيه
وبعده اكمل شغلي
اما بالصيف نفس الطريقه بس اغير الفازلين بكريم جنسون الاطفال او دوف واكمل نفس الطريق

هذا اللي اقدر اقوله لان اهم شي الاساس اما الباقي اعتبر فن يعني رسم العين او الحواجب اوالاضاءه....الخ
فن وبس ومع الاستمرار الوحده تتعلم
والمسكره من الاهميات بالمكياج بعد الاساس لا بد تكون الرموش طويله ومرتبه
واذا نجحت معك هالحاجتين نجح المكياج
وسلامتكم،،،

اي والله انج صاجة ما ينفع غير ماكس فكتر اروح وردله مراة ثانية

خذي لتس دورة في أي المراكز وإلا المشاغل،، أفضل لتس لأنها تكون عملية ووجهًا لوجه أحسن من الكلام الشفهي أو الكتابي

والله يوفقنا وإياتس وكل مسلم يارب