بكريه وقالوا لي قيصري بسبب حجم البيبي من صار له كذا وولدت طبيعي

السلام عليكم ورحمة الله وبركاته

مثل مافي العنوان
كنت بالحبيب ويوم قالت لي قيصري وافرك راجعه للمستشفى العسكري
يعني حكومي

انا بكريه وقالوا لي راح نولدك قيصري بسبب حجم البيبي
فانا في الاسبوع 37 ويومين على حساب الدوره يعني باقي لي اسبوعين واخلص التاسع
لكن بالسونار خلصت 40 اسبوع والبيبي كبير ماشاء الله والدكتور يقول لازم نولده قبل مايكبر زياده
ومحيط الراس كبير وخفت لكن الحمدلله بعد اخذ قياسات الحوض مناسب له بس لازم يطلع قبل مايكبر زياده
الطفل الحمدلله نازل راسه بالحوض الددكتور قال لي اريح لك واحسن قيصري لكن احتمال يكون طبيعي
فقلت بحاول بالطبيعي قال نسبه الطبيعي 10% والقيصري 90% فقلت بحاول وربي ييسرها
السبت ان شاء الله ببسوي طلق صناعي واذا مانجح او صار شيء فيه خطر على البيبي على طول يسوي قيصري
الدكتور قال لي راح نعطيك ابره ضهر عشان ماتتعذبي وخاصه انه في احتمال تعسر الولاده

يابنات وياخوات وياحبايب من صار له كذا او سمعت عن وحده صار له كذا وولدت طبيعي
وايش تنصحوني بخصوص الولاده وابره الضهر
تكفووووون افيدوني قبل السبت
واللي ماتعرف ترفع الموضوع ولاتنسوني من الدعاء

الله يجزا خير كل من ترد علي وييسر اموره ويحقق له اللي في باله ومايسره

38 تعليق 3,779 مشاهدة

شاركي في النقاش

سجلي الدخول لإضافة تعليق.

التعليقات

38
  1. @anoooth

    انصحك استخيري ... صلي صلاة الاستخارة ... وربي ييسرها لك ان شاءلله ..
    انا حاولو فيني طبيعي وعطوني طلق صناعي .. بس سبحان الله ماتيسرت طبيعي وولدت قيصري
    انتي استخري والله يقومك بالسلامة وجميع الحوامل
  2. @ktshobh

    اذا المستشفى خاص فهذا كله تخويف عشان تدفعين للقيصري اكثر طبعا من الطبيعي.........صديقتي جابت ولدها طبيعي وكان وزنه 4 كيلو ماشاء الله

    روحي مستشفى ثاني تأكدي..............توكلي على الله ادعي وتصدقي واستغفري وان شاء الله تولدين طبيعي

تابعي تجارب أخرى من هذا القسم.