انتي في استراليا...............تفضلي

السلام عليكم ورحمة الله وبركاته
***
تحيه طيبه من ثرى طيبه الطيبه
اخواتي اللي ساكنين باستراليا بسرررعه استنوني بالمطار بباقات الورد والسجاد الاحمر .. بعد اسبوعين بالضبط راح تكون رحلتنا ان شاءالله لبرزبن ..
بالنسبه لبنات برزبن اعرف منهم ام تامر ووو نجمة السهره ووو وردة امل ووو والله نسيت بس حابه اتعرف عليكم وان شاءالله نكون ساكنيين قريب من بعض ..
زوجي الاسبوع الماضي جا من برزبن طبعا هو راح قبلنا ويمدح في المدينه كثيييير يقل امان والناس في حالها وتعاملهم راقي يعني الحمدلله مافيه مضايقات ابد يمكن غلاء الاسعار هو اللي يعكنن عليه شوي .. يعني غرفه وصاله اجارها اعلى من اجار شقتنا اللي خمس غرف وصاله ..
بالنسبه للاتصالات عنده بطاقة جوال يشحنها كل ماخلصت يعني زي سوا وفيه بطاقات برضه للاتصال الدولي ..
طبعا انا فرحانه وخايفه وحزينه على فراق اهلي ..
ادعولي الله ييسر لي رحلتي وخاصه مع طفلي الصغنون ..
***
دمتم لاحبابكم

وعليكم السلام اختي....توصلين بالسلامه ان شا الله....انا بجاوبك باللي اعرفه...وننتظر ردود بنات برزبن


هل يوجد خط قطالر من سدني الي برزبين ؟
....اعتقد انه موجود...ما اقدر افيدك كثير


وهل الموبايل فودافون يمكن الاتصال بة دوليا ام محليا فقط؟
الموبايل سواء فوادفون او تليسترا او ابوتوس....بنفع تتصلي فيهم محلي ودولي....بس طبعا دولي بيكون وايد غالي

وماهو نظام استقبال الانتر نت في البيوت؟وماهي التكلفة؟

راجعي الصفحات اللي قبل بتحصلين الرد


هل لاحظتم اي مضايقات لكن خلال الفترة الماضية والان بعد احداث لندن؟
طبعا اكيد الناس مضايقه من اللي صار....وما في احد يقدر يلومهم الصراحه...لكن تطمني ...كل شي تمام....وما بتحصلين مضايقات

اسفه لني ما عرفت اجاوبش على كل شي

اهلين بنات استراليا .. عندي سؤال ::

الى كل اللي يلبسون عباية في البرد ؟؟

سؤالي ؟؟
شلون تلبسون الجاكيت فوقها العباية او تلبسون جاكيت طويل وبس ؟؟؟

ارجوا الرد ...


تحياتي ..