(لايفـــوتك)تجمع أكاديمية المكر الحلال وذكاء الأنوثة ~ تجمع فرييييييد من نوعه !!

متابعة النقاش، صفحة 24

شاركي في النقاش

سجلي الدخول لإضافة تعليق.

التعليقات

538
  1. @drh_5

    صاحبة الموضوع
    لي صديقة ساكنة بيت جديد لها شهرين .. وكانت ناوية تفصل مطبخ صغير فيه مجلى لغسل الصحون داخل المستودع حتى ما يخرب مطبخهم الغالي والحساس .. وكذلك لأن طريقة مطبخهم نظام بوفيه وجلستهم في الصالة وهي ما تحب ان الشغالة تكون مقابلتهم لما تشتغل في المطبخ !!:cook:

    الزبدة : من أول ما سكنت صديقتي البيت وهي تزن على زوجها حتى يفصل المستودع وهو رافض ويقول لا المطبخ يكفي ويفي بالغرض ... ويوميا هواش على نفس المنوال .. والأدهى أن صديقتي كل يوم تقريبا تجي للدوام معصبة ومتنرفزة وحالتها حالة والسبب ( دولاب المستودع) الي هي مصرة عليه وزوجها رافض !!!

    قلت لها : شوفي يالحبيبة .. باعطيك طريقة عليك أنك تنفذيها بحذافيرها وباتقان وراح تشوفي النتيجة بنفسك قريب..
    قالت : مستعدة أنفذ بس أخلص من هالموضوع..

    قلت لها : 1 / لا تجيبي سيرة موضوع المستودع نهائيا لمدة يومين وإذا سألك قولي الي تشوفه انت .. أنت سيد البيت !!
    2 / زوجك فيه نقطه ضعف وهي انه يخاف من العين.. لازم تجيري هالنقطة في صالحك ..كيف؟؟ أنا أقول لك : لما تجلسون للأكل في الصالة قدام المطبخ والشغالة فيه .. تظاهري أنك غصيتي أو شرقتي وأنت تآكلين .. ومباشرة علقي وانت تناظرين المطبخ ( والله مشكلة هالي قدامنا حتى على الأكل ) .. !!!!
    هو راح يربط في ذهنه بين العين الي يخاف منها وبين وضع الشغالة قدامكم في المطبخ المكشوف !! والنتيجة راح تكون بصالحك ..
    3/ لما تصحون العصر نفس اليوم : تظاهري بالتعب وانك ما أخذت كفايتك من النوم .. وعللي الأمر بقربعة الشغالة بالمواعين الظهر وانها واصلة لغرفتكم ومطيرة النوم من عيونك !!!!
    4/ آخر العصر لما تجلسون للقهوة تكشخي مرررررة بشكل مغري وحطي عطر مثير حبتين:27: .. وقربي لزوجك كأنك بتبوسينه لحد ما يشاوف مررررة .. وفجأة ابعدي وقولي شكل الشغالة بالمطبخ تشوفنا حتى لو كنت متأكدة انها مهي موجودة !!!!
    أنت كذا بتربطين بين حرمانه من المتعة وبين وضع المطبخ بدون مستودع !!

    سوت صديقتي الطريقة بشكل مضبووووط مررررة ... تدرون وش النتيجة؟؟؟؟

    ماصار المغرب إالا وزوجها جايب العمال يمترون المستودع حتى يفصل فيه مطبخ صغير إضافي تنقلع فيه الشغالة بعيد عنهم ويأخذ هو راحته !!!!!
  2. @loooly2009

    هذه المواضيع التي يستفاد منها موسرد مشاكل وأحزان
    فعلا أنت درة يا درة هههههههههههههه سجع
    وأنا بأحكي موقف جارتنا زوجها تاجر مره ماشاء الله عليه معروف بالديرة
    خطب عليها وحدة ثانية وباركت له وكاتمه الخطة الجهنميه التي دبرتها
    وأخذت تسأله باسلوب دها ءعن عنوانها ومواصفاتها وووواوواووووا ما أصبرها لما يمدح
    وهي تقوله أنت طيب وإن شاء الله تاخذ طيبة مع إن ودها تذبحه هههههه
    ومره سافر وأخذت بتطبيق الخطة وهي كالآتي والله على ماأقول شهيد طبعا حسب روايتها لنا.
    تقول :أخذت أسوأ جلابية عند الخادمة ولبستها وأخذت عباءة وبهذلتها بالكلوركس ولبستها بعد ما عملت عاهات في جسمي
    من تكفخ وقرص وعض ووووووو وجعلت عيونها ألوان مثل عيون عبسي من كثر التكفخ في نفسها ولا شيعية يوم عاشوراء الله لايبلانا
    وذهبت لزيارة الخطيبة .
    طرقت الباب وقالت أريد صاحبة البيت طبعا أم الخطيبة استقبلتها بعد مااستأذنت بالدخول .
    وتم الحوار التالي :الأم :من أنت ؟
    الزوجة :أنت ماتعرفيني .أنا هاربه من البيت لأن زوجي سافر وأريد أكل لأني ميته من الجوع ؟قدموا لها الطعام .وأخذت تأكل بطريقة مفجعة وقالت زوجي طقني وحابسني وبخيل مع إنه تاجر معروف الله لايوفقه؟قالت الأم :ومن هو ؟أخبرتها وبدأت علامات التعجب على وجه الأم .وأخذت تنصب وتقول الناس مالهم إلا الظاهر .هومريض نفسي عنده إنفصام في الشخصيه وأخذت تشرح للأم.وتقول موراضي يطلقني . أشوف حالي وأنا أزن عليه يتزوج .وعساه يطلقني بعدها . قالت الأم :ليش جيتي بيتنا بالذات ؟ ردت أنا ما أعرفكم وأنتم ماتعرفوني بس أستروا علي .أنا دايما أمر البيوت ما أكررزيارتي لأي بيت :خجلا من الناس لأن زوجي خلاني من بخله طرارة .وماراح تشوفيني وبالله عليك ما تخبري أحد .شافت الأم المنظر وسمعت الخبر مع أنها ذكيه ولكن طلعت الزوجة أدهى وأمر .
    وطبعا كانت حريصة ماتخبرهم بشيء عن خطبته كي لاينكشف أمرها .
    رجع الزوج ووجد الخطيبة رافضته بكل ماتحمل الكلمة من معنى .
    وكل ما خطب تم الرفض لأن الحريم أخذت فكره سيئه عنه بعد نشر خبره بين أوساط النساء عاد مايحتاج .(حريم)وهوياغافلين لكم الله.
    وعاد الى زوجته حتى توفاه الله رحم الله جميع موتى المسلمين والمسلمات.
    أعتذر على الإطالة مع إن كان ودي أكتبها على مسلسل وحلقات مثل غيري ههههههههههههههههههههههه

تابعي تجارب أخرى من هذا القسم.