من مده صار لي موقفين مع زوجي
ومن بعدها وانا خائفه منه
الموقف الاول
هذي سلفتي تعبانه من تزوجت اخو زوجي من 5 سنين
وطول هالمده وهي تعالج مسكينه ومن شيخ لشيخ
تساقط شعرها وشكلها ذبلانه
وهي مو ذاك الجمال عاديه
وزوجها الله لايغير عليهم طائر بها تخيلوا طووول خمس سنين
اكل من برئ يسافرووون دائم يغيرووون جو
تخيلوا هو الي يرتب ويغسل الملابس ويطبخ مره دق علئ زوجي يقول زوجتي مشتهيه شوربه وشلون تصلح
اما مقارنه بها انا:arb:والله لو اموت من التعب مايهتم فيني
اتوحم واكره الطبخ ولا فيه مطاعم
عمره ماصلح شئ بالبيت
والله بحملي وحاجتي له مايسوي شئ ابدا يشوفني ارجع وادوخ ولا عنده فيني:44:
عاد مره كانت جايتنا مره اخوها وفجاءه تعبت عندنا وراحت ويقول زوجي
ياصبر اخوي عليها
سالته عاد انا لو كنت بمكانه قال والله مااظن اصبر لاعيال ودائم تعبانه وش يبي اخوي بها
يوديها عند اهلها ويعينه الله علئ العرس
ياربي قلت بنفسي لو اتعب وش بيسوي بي اجل
الموقف الثاني
كنت اطالع قناه بدايه الا وحده تقول اني لي 14 سنه متزوجه وعندي5 عيال وزوجي كان كويس معي فجاءه تغير
والحين يقول روحي لاهلك وانا ابوي وامي ميتين
وخواتي متزوجات واخواني بحريمهم كل واحد ببيته
ويقول خلي عيالي وروحي لاخوانك
الا واقول السالفه لزوجي
قال بكل بساطه تروح لاخوانها قلت وعيالها قال يجلسوون عند ابوهم وزوجته
قلت ليه ماياخذ بيت لحرمته ثاني ويطس ويخليها مع عيالها
قال وليش يحمل نفسه ديون وحاله لا هي الي تطس هي جايه من اهلها مامعها شئ ترجع لهم مامعها شئ
وعيالها يجلسوون عند ابوهم
ومن صار ذا الموقفين وانا
:09::09:من:arb:
واذا شفته:44:وودي اصيح
وخائفه من يصير معي كذا
ياربي وشلون انسا
ماني قادره
وماعاد تقبلته لا علئ اكل ولا بفراش ولا حتئ من يضحك او يسولف معي ودي اقول اسكت
بحذف موضوعي
اخاف الناس يفهمووني غلط
احبها مثل اختي
بس هو الي طلع السالفه
ومن حرتي قلتها لك
لاحسد ولاشئ
ومافي قلبي غير عن تفكيركم
الله يسعد كل المتزوجات
وهي الحمدلله تشافت يارب لك الحمد
شاركي في النقاش
سجلي الدخول لإضافة تعليق.
التعليقات
53- الموقف الاول عادي الرجال اجناس لاتقارنين نفسك باحد
ربي بلاها بالمرض وعوضها بزوج حنون وهالدنيا اخذ وعطى
بس الموقف الثاني كان قلتي له هذا بيتي وبيت عيالي مابطلع منه على جثتي - هو دا الكلام الصحيح
- والله الكلام غير الفعل وهاللي يقولك الحين كذا بكرة حزة الحزة عن الف رجال
كل هرج الرجال يغث بس بوقت الجد يتغير كل شيء وسعي صدرك - اولا" وانتي تتكلمين عن سلفتك قولي ماشاء الله لاقوة الا بالله ،لان العين حق وانا اختك وهي مسكينه الله يسعدها ويخلي لها زوجها ،،وانتي لاتفكرين في بكره وتخربين يومك واحسني الظن برب العلمين وترى الله متكفل ب عبده ،،الله يسعدك حبيبتي واسأل الله ان يسخر لك زوجك
- الله يشفي سلفتك يارب
وترى هالكلام يقوله بس كذا بس وقت الجد تصرفه غير
عيشي حياتك ولاتنكدين على نفسك
مواضيع مشابهة
تابعي تجارب أخرى من هذا القسم.