هلا حبيبتي
انا توني راجعه من مصر من اسبوعين
وكنا ساكنين في فندق سفير دقي وكان سعر الليله 25 دينار يعني 500 جنيه
بس اللحين سمعت انها ارتفعت في شهر 7 وحماي كان في فندق الشيراتون صراحه رووعه
بس غالي بس ما اذكر سعره كم ..
اممم اما الاسواق اكثر ما عجبني سيتي ستارز وهو مجمع للوليد بن طلال
والشنط اللي فيها رووعه وما تتحسفين اذا شريتيها لأني اخذت منها واخذت من محل في وسط البلد
اظن اسم المحل صالح عبده ( او العكس ما اذكر الاسم عدل ) وعنده افرع بعد المهم شريت من عنده
شنط وحسافه طلع السحّاب مال الشنط كلها خربان !!!
مع انها فظيييعه وتقليد ماركه وجلدها رهييب :(
المهم بس حبيت انصحك اخذي الشنط من المجمعات افضل وجربي السحّاب بعد لا تنغشين مثلي
لأن اسعارها كلها وحده 100 جنيه او 120 وان طار طار 200
اممممم اما المطاعم عندك الوجبات السريعه وابو شقرا وقندهار ومؤمن هذا اللي اتذكره
اما جوها صراحه رهييب بالنسبه للخليج يعني مو حاره لا نهار ولا ليل بس فيه تلوث
من دخان السيارات ولا تنسين تروحين للقريه الفرعونيه والاهرام والمتحف المصري
وان شاء الله تستانسين وتروحين وترجعين بالسلامه
الى اهل مصر والي راحة لمصر ممكن مساعده
متابعة النقاش، صفحة 2