بسم الله الرحمن الرحيم
خواتى بنات المنتدي اتمنى من الله انكم لين ألحين تذكرونى وانا اعترف انى من فتره ما دخلت المنتدي ولا شاركت بشي خواتى ابغيكم اتسامحونى
انا امر بضروف مخالتنى ما ودي أيلس ويا حد ولا ابغى اكلم حد والله العضيم لولا انى ادوام ولازم اكون على الدوام والله ما طلعت أقدر أحلف انى ما اسير مكان الا الدوام يعنى اتمر عليه الشهور وانا في البيت حتى جدتى ما ازورها مع انه بيتها ما يبعد عن بيتنا الا 10 دقايق
خواتى مشكلتى انى اذا مرت عليه أي مشكله وبالذات في الجانب العاطفي ( قرار مصيري ) يعنى اذا انجرحت او مريت بشي مكدرنى اعتزل العالم واضيج وأحس انه الدنيا اصغيره واجلس بروحى
خواتى ادعولى انه الله ايسر لى الخير وايفك ضيجى والله العضيم انى تعبانه ومب قادره اطلع من هالهم ( اعانى من الحيره في اتخاذ قرار زواجى بسبب عدة مشكلات اتحيط بهالزواج )
واذا فيه وحده منكم عندها دعاء مجربتنه وبيساعدنى تعطينى أياه ولها الاجر انا جربت الاستخاره وما حسيت بشي لين ألحين وتركتها ؟؟
ارجوكم والله ترانى اتكلم بجد لا تهملون رسالتى
الموضوع مغلق