حلول عندكم حلول أو تفسير للي قاعد يصير!_!

اسال الله العظيم رب العرش العظيم ان يرفع عنك ويصلح حالك وحال المسلمين اجمعين امين

يارب يارب يارب يشفيك ويهون عليك ياحي ياقيوم
ياقلبي يكفي الاعتراف بالمشكلة نصف الحل
والله ماعندي غير الدعاء لك والله يخليك لأولادك بس تكفين لاتعصبين وتدعين عليهم ادري غصب عنك بس حاولي ماتدعين عليهم

صح وانا نفس السؤال

الله يصلح لك امورك يارب
اضغطي على نفسك واقري الاذكار وصلي الصلاة فوقتها المعروف ان الانسان اللي فيه ضرر يثقل عليه كل شي فيه خير له سبحان الله
اكثري من الصلاه والدعاء فالسجود ان الله ييسر لك امورك
واكثري من قول اللهم اكفنيهم بما شئت
واكثري من الاستغفار والتسبيح طول اليوم
ولازم تروحين للمستشفى وان شاء الله مافيه الا الخير يارب يشفيك ويعافيك
اهل زوجك سواء ضروك او تركوك شيليهم من راسك الله كفيل بهم وبغيرهم اهتمي بنفسك والله مااحد راح يهتم فيك اذا انتي مااهتميتي بنفسك
وبالنسبه لصمت زوجك اغلب الرجال كذا انتي تقبلي زوجك كما هو وتقبلي جسمك مع محاولة التغيير بالتدريج
ياااااااااارب يشفيك ويعافيك ويكتب لك الخير كله يارب
اعذريني على الاطاله

السلام عليكم اختي
عندنا وعندكم خير انا كنت مثلك والى الان ما زال فيني بس افضل من اول
انا عندي نفس الاعراض ارق وكابه وانعزاليه وكسل
شيوخ ورحت وقريت
طبيب نفسي رحت وبلعني حبوب لمدة سنة كاملة
تحسنت بشكل بسيط ولكن المشكلة مستمرة
قلت مالي الا نفسي مو معقوله استمر عند شيخ عمري كله والا ابلع في هالحبوب
باقول لك انا وش سويت
كان عندنا عزاء ووصيت الشغالة تغسل لي الفناجين واغتسلت فيها وكان فيه وحده انا شاكه فيها قمت واخذت من اثرها ....ليش شكيت فيها لانها قعدت عندي في البيت وبعدها صاروا الناس يقولون لي انها قالت انك تسوين كذا وكذا
يعني تمدح فيني وفي بيتي ( والله من السناعه ...ليتها شافت وش صرت بعد كذا)
الارق والكابه راحت الحمد لله صرت انام بالليل وضيقة الصدر والخنقه خفت بشكل كبير
صدقيني انا حاسه بكل كلمة تقولينها عشتها سنين ...والان ماني متخيله وشلون ظلمت نفسي كل هالفتره والحل كان بيدي ...انا الى الان اعاني وخاصة من مساله بيتي وعيالي لكني ان شاء الله ما راح استسلم خاصة بعد ما ذقت العافيه

بعد اذنك بارد على الاخوات
اللي تقول وشلون عفسة وعندك شغالة
انا كان عندي شغاله ..وكنت عفسه لان الشغالات يبي لهم احد وراهم اذا شافتك انت مهمله وشلون هي بتهتم
يعني كل شئ عالماشي دام انت مو سائله

اللي تقول زوجك بيتزوج عليك
انا ما اعتقد ان في احد اهم مني اذا انا خسرت نفسي ما اعتقد في حاجه بعد كذا تفرق معاي

اللي تقول نظمي نومك
المساله ماهي سهله لو تكونين على فراشك من بعد العشاء ما تنامين الا قبل الفجر اذا مو بعده

واخيرا اذا تبين انا وانت نتخاوى على الدرب ونساعد بعض ارسلي لي رساله خاصه بايميلك وانا اضيفك على الماسنجر ونهتم بالتفاصيل..انا ما ابغى احد يمر باللي مريت فيه وراح اكون مهتمه بالمساعدة وخاصة اني احتجتها وما لقيت احد