تجمع جديد للأمهات الصابرات لأطفال الشلل الدماغي

لرفع

السلام عليكم
كيف حالكم اخواتى الصابرات وكيف حال اطفالكم **** يشفيهم
انا متابعة لكم من الملف الاول اقرا بشغف كل ما تكتبون واذكر حالتى يمكن تكون بنتى اكبر وحده بالمجموعة عمرها الان 11سنة معها ضمور بسيط بالمخ ما خليت كل مكان اسمع انها ممكن تستفيد اوديها وهى شغلى الشاغل راح تستغربون ليش الحين جاية واكتب مع انى دائما اكون متابعة السبب هو انى حاسة انكم بدأتم تفقدون الامل وهذا اخطر شى ممكن يصير لعيالكم لازم تكنون دائما متفائلين انا كنت اسمع عن مراة مثلا تعالج مثل حالتها واروح واحس انة خلاص برتاح واستمر معها ولا القى نتيجة ولا افقد الامل اذا سمعت عن وحدة ثانية رحت بنفس الشعور وما يهم وين مكانها وش الظروف وارجع بدون نتيجة واصيح واكرة الحياة ولكن اعيد التجربة دائما دون ملل و**** اى ذبحتها صبخات وعلاجات دكاترة وحريم والى الان مستمرة على نفس الوضع اعالج بنتى ابغاكم ما تفقدون الامل علشانهم واللى مقدرة ربى بيصير بس ما يأنبنا ضميرنا على تركتهم اتمنى انى ما اكون ضايقتكم بس صدقونى بتشفون نتيجة حلوة اذا قارنتم حالة طفلكم
مع حالة واحد اهلة مهملينة وهم نفس المشكلة بتشفون ة انة افضل حال بكثير

صح كلامك ياشوق انا ولدي اللحين وايد اهتم فيه وهو البكر عندي عمره سنه ونص الله يخليه ما احس فيه شي ولا ابي احس انه فيه شي مخليته مثل باقي اليهال في العايله والله اخر مره في عزيمة بيت اختي خليتهم بعد الغدا عشان العب ولدي بالمرجيحه مع ولد اختي اللي كبره استانس وفرح الحمدالله..
ادور بالنت عن هالعرض وادور عن الوجبات المغذيه سواء للعقل او للبدن ومرتبه يومه ما اخليه عشوائي عشان يتعلم النظام.. والله يقدرني على تربيته التربيه الصالحه ياربي ويقدر كل الامهات اللي بالملف..

الخلايا الجذعيه للحين ما اثبتوا فعاليتها انا ادور في النت كل اسبوع تقريبا ابي اشوف شي يديد عنها لاني ابي اسويها لولدي ان شاء الله..

بنات تعرفون الجوز؟ جدا مفيد للعقل انا باديه اعطيه ولدي اشتريته مقشر وجاهز وطحنته في المطحنه بس خلطت معاه ملعقة سمسم واحطله كل يوم ملعقه في اكله مع الشوربه او الزبادي النكهات..

أن شاء الله بيجي يوم نفرح بعالينا وهو العزيز المقتدر بالنسبه لولدي متعبني وانا خايفه عليه مايحب المويه مايشرب ابدا ما ادري ايش اسوي ناس يقولون حطي عسل بس خايفه عليه من السكر