مشتركة في مهرجان .... ممكن تساعدوني بأفكاركم؟

الله مره شي حلو ..
شوفي ياعسل اهم شي الزي , الرجال يلبس ثوب وشماغ وانتي البسي عبايه والاطفال لبسيهم بعد اذا اولاد ثياب واذا بنات جلابيات .
سوي لك جريش وقرصان و مراصيع وقهوه عربيه وتمر طبعا , اشتري البومين صور وطبعي من النت صور لمكة وصور للملك عبدالعزيز وصور للبيوت التراثيه واشياء تراثيه من اواني ومن استخدامات الاولين مثل القربه حقت المويه ومثل الرحى واكتبي عليها تحت بالانقلش وش تستعمل والاالبوم الثاني حطي تطور السعوديه ومبانيها والجامعات ..
خذي معك اللاب و شغلي فيه يادار وياسلامي عليكم يالسعوديه , و جملي الركن بالاعلام ولو عندك قماش شعبي ( السدو ) ممكن تغطين الطاوله فيه او غطي الطاوله حقتك بقماش اخضر واذا معك بروشات عن السعوديه البسيها ..
وبشرينا وش يصير معك ...

حلو والله
انا اقول انه احسن شي انه تقسمي الركن نصفين نصه لشغلات تراثيه ونصه الثاني لتطور السعوديه والحاضر
وممكن يكون شعار الركن حقكم حضاره وتطور مع ثقافه وعادات وتقاليد
لانه والله العظيم طفشنا من كثر ما الامريكان يقولو اننا عايشين في بيت شعر ونتنقل بالجمل
لازم تبيني لهم اننا دوله متطوره وتقدري تلاقي في النت كثير اشياء

واذا بتشغلي شي حطي لهم مقاطع عراضات ورقص مره يحبوه بالذات المكاويه

حلو ممتاز الله يوفقك يا سفيرتنا وتامثلي ديننا اولا وطنا الغالي خير تمثيل وان شاء الله انك قدها وقدود
شوفي اهم شي زي ما قالوا البنات الزي الثياب والشمغ والعبي واذا عندك بنات لا تنسين الحنا
العلم لا تنسينه والفلكلور عندك العرضه النجديه والمجسات الحجازيه وفيه مجس حجازي لاهل المدينه فديتهم باليوتيوب عربي انجلش مره روعه يتكلم فيه بالانجلش ان الرسول صلى الله عليه وسلم امرنا باكرام الضيوف اممممممم ايش كمان القهوة والتمر والبخور اهم شي لو تقدرين تسوين عرض بوربوينت عن الجزيره العربيه قديما وحياة التعب وبعدها دخولالاسلام وتحول حياتنا وانه اصبح دستورنا وحطي شريحه صورة القران وايه عن تسامح الاسلام وانه دين السلام اهم شي هذا تطرقي له عشان نصحح نظرتهم الخطا خلي هالكلام في شريحتين كفايه لاتركزين عليه بس اذكري انه العفو الرحمه والتسامح من اخلاق النبي عليه السلام واخلاق المسلم الحق وبعدها تطورنا في جميع المجالات واخر العرض ياليت لو وحده من البنات تدور بتمر في صينيه مثبت باعواد اسنان وممكن تحطين عليه توفي عشان يصير منظره واو وولد وراها يدور بالمبخره والعوده وخلي الاطفال السعوديين يشاركون ينشدون السلام الملكي
وموفقه يالغلا قلبي داعيلك ان شاء الله تبيضين الوجه