الاخوات من الكويت..استفسارات بخصوص الكويت الشقيقة..

السلام عليكم ورحمة الله وبركاته..
الاخوات الحبيبات من الكويت..
لدي استفسارات بخصوص الكويت الشقيقة..ويا ليتكن تفدنني..
اردت ان اعرف كل شئ يخص الكويت..ومن يريد الاستقرار فيها..
مثلا..
1- ايجار السكن..في مناطق راقية ..واين هي المناطق الراقية تحديدا..
مثلا السالمية اوالشويخ..شقة من ثلاثة غرف..وواسعة..وطبعا بتكييف مركزي..بالتقريب كم يكون ايجارها؟
2- فاتورة الكهرباء والماء..لبيت بنفس المواصفات..بالتقريب؟
3- اماكن النزهات ..والترفيه؟
4- مدارس خاصة اجنبية..كم تكلفتها بالتقريب..وهل هي متوفرة؟
5- الاسواق الموجودة ..مكانها ومميزاتها..

اعلم ان اسئلتي كثيرة..ولكن ليتني اجد من تفيدني..حتى ولو بالشئ البسيط من المعلومات..ولها دعوات بظهر الغيب باذنه تعالى..
لكن جزيل الشكر مقدما.. :)

6 تعليق 652 مشاهدة

شاركي في النقاش

سجلي الدخول لإضافة تعليق.

التعليقات

5
  1. صاحبة الموضوع
    معقولة لا يوجد اخوات من الكويت..
    لم اتوقع الا اجد اية ردود..
    توقعت المعاونة خاصة وان ذلك يعكس روح شعب الكويت الطيب..
    على اية حال..جزاكم الله خيرا..
    على فكرة..هذه هي المرة الاولى التي اكتب فيها في قسم ساعدوني..وتوقعت ان تساعدوني !!
  2. @ansh_mmlohh

    بالنسبه لاسعار الاجار ماعندي فكره

    بس اسعار الكهربا اعتقد هذي من سعر الاجار

    اما المدارس الاجنبيه فهي متوفره(بيان ثنائية اللغه/ دسمان/الباكستانيه ثنائيه/.........وفي اكثر بس هذا اللي ببالي الحين

    التنزه عندج حديقة الشعب /المدينه الترفيهيه/شوبيز

    المجمعات عندج الصالحيه ,زهره ماركات وغالي/شرق/الفنار
  3. حياج الله اختي التوت الزاكي بتنورينا بالكويت ياهلا ومرحبا راح ابتدي معاج وحده وحده اقدر اعرف ليش سبب الاستقرار وصدقيني راح اوجهك عدل هل هو ابتعاث من شركه
    او سفاره او قرار شخصي وانا حاضره
  4. @thlal_alkran

    حياج الله بين اهلج في الكويت
    اولا المناطق الي ذكرتيها لا تصلح لسكن بالنسبه للسالميه العمارات الراقيه والي فيها سيكورتي هي على البح وانصحج بالسكن فيها لانها راقيه وفيه طله على البحر بس تحملي زحمه السالميه ارخص شقه ب 500 دينار وما انصحج تسكنين بمكان ثاني بالسالميه لأن كله اجانب وباكستانين والسالميه زحمه جدا يعني كل يوم راح تمسكم الزحمه الصبح والظهر
    ومنطقه الشويخ تنقسم الي قسمين وبعيدين عتن بعض فيه الشويخ الصناعيه وهي طبعا مافيها سكن كلها كراجات وكالات سيارات ومحلات اثاث .
    (والشويخ ب )السكنيه ماراح تلقين فيها اجار لأنها منطقه لسكن الشيوخ من ال صباح والعائلات الغنيه جدا
    انا ارشحلك مناطق حلوه وهاديه وراقيه ( الروضه . قرطبه . اليرموك . العديليه . الخالديه . السره ) وطبعاغ السكن في شقه من 300 الى 500 دينار :confused:
    المدارس ثنائيه اللغه عندج الابداع البيان التكامل
    الرؤيه مرسه امريكيه اسلاميه رائعه اولادي يدرسون فيها وكلهم اسعارهم تبدا ب 1500 دينار بالسنه
    الفواتير للكهرباء ما فيها مشكله الشعب كله ما دفع من 14 سنه كيفنا مانبي ندفع خخخخخخخخ :16:
    اماكن النزهات كثيره انتي تعالي وتنزهي بس
    بالنسبه للاسواق فيه موضوع شامل كامل للاخت عود مبخر واسمه دليلكم للتسوق بالدانه الكويت ممكن تطلعين عليه
  5. صاحبة الموضوع
    هلا والله ببنات الكويت..

    الاخت آنسة مملوحة..حياك الله ..
    الف شكر عيوني على المساعدة..والمعلومات ..
    الله يجزيك كل الخير..ما قصرتي..

    الاخت sunshine
    الله ينور عليك حبيبتي..ودايم يحييك..
    لا والله قرار شخصي..ومشكورة مقدما..

    الاخت ظلال القرآن..
    ما قصرتي والله..لك جزيل الشكر والتقدير..
    بصراحة افدتيني كثــــــير ..الله لا يحرمك الاجر والثواب..
    وكلمة في سرك..حاولت البحث اولا عن معلومات عن الكويت في منتدانا..فوجدت نتائج البحث 22 صفحة..وغير محددة!! ولهذا كتبت الموضوع..
    وباذنه تعالى اطلع على موضوع الاخت عود مبخر..
    اشكرك مرة ثانية على ذووووقك..

    الاخت عود مبخر..ما قصرتي يالطيبة..
    والله يجزيك كل الخير..وييسر الامور باذنه..

    تحياتي لكن اخواتي..والف شكر على المساعدة..

تابعي تجارب أخرى من هذا القسم.