اهلين اخواتي اشتقت لكم واشتقت للتجمع :27:
بس عاد وش نسوي بمشاغل الدنيا الله يكفينا شرها..وموسم برد والاطفال تعبانين وتعب وانشغال الله يرزقنا الصبر ويعظم لنا الاجر.
بنات ولدي عمره شهرين ونص،من حوالي اسبوع لاحظت عليه رضاعته خفت ولا عاد يشتهي واذارضع ما يرضع الا شي قليل وحسيت انفه مسدود شوي وفي احد الايام لاحظت انه ما يبي يرضع ابد وما نام زين واذا نام،ينام له حوالي 10 دقايق او اقل بعدين يفز كذا ويطلع صوت زي اللي احد خانقه بسم الله عليه وبعدها لاحظت انه ما يقدر يتنفس كويس ومعه كحه ويستفرغ..
وديته للطوارئ قالوا صدره مكتوم واعطوه بخار ونقط للانف،تحسن شي بسيط لمده يوم تقريبا وبعد كذا رجع على حاله وقبل يومين وديته وقالوا التهاب في الشعب الهوائيه واعطوه بخار وقالوا استمري على نقط الانف والى اليوم يابنات ما شفت اي نتيجه.
الولد نحف مره زياده على نحفه ،ما عاد يرضع ولا ينام زين يا قلبي،اول ما يغمض عينه يبدأ يتحرك ويفرفر راسه ويرفس برجوله زي اللي مو مرتاح او شي مضايقه،مايستغرق في النوم..ومن امس الليل لاحظت عليه انه فجأه كذا يصرخ ويبكي بصوت عااااااااااااالي ومخيف..بكاء متصل كذا وراء بعض ولا يفيد معه شي،اشيله..احطه..ادور به..اهز ..اعطيه رضعه ولاااااااااااااااااااشي ينفع..قطع قلبي يا حياتي
والله مدري وش اسوي فيه.
صرت انفث عليه واقرا عشان يهدأ والله ينفع بالاسباب.
اللي تعرف احد شاطر في علاج الاطفال تدلني واللي مر عليها حاله زي كذا تفيدني.
والله حالتي حاله..لا انام ولا اكل ولا اعرف حتى اصلي الله يتوب علي،اخاف عليه مره في لحظه يكح ويشرق وينكتم بسم الله عليه..طول الوقت على اعصابي.
اخر شي اليوم وديته وقالوا لازم بخار كل 6 ساعات وكتبوا له مذيب للبلغم ونقط للانف وما رضوا يكتبون مضاد لان نوع الالتهاب اللي فيه ما يمشي معه المضاد.
اللي ضيق صدري وحده من الاخوات بالمنتدى قالت لي وديه دكتور ثاني قبل ما يجيه التهاب رئوي حاد انصحك وديه انا بنتي جاها ودوها العنايه المركزة وتنفس صناعي وصارت جلد على عظم والله انها هيكل عظمي وماتت
(بسم الله على وليدي) والله يجعل بنتها شفيعه لهم ويعوضهم خير.
ياربيه مره خوفتني وضاق صدري.
اللي رحت له اليوم ثالث دكتور وبنستمر على البخار ونشوف النتيجه والله ينفع بالاسباب.
تكفون ساعدوني وارفعوا الموضوع وادعوا لوليدي.
تجمــــــــــع احلــــــى امهــــــــات من الـــــ 000 الـــــى 6 شهـــــــور
متابعة النقاش، صفحة 25