اقسم بالله ضايقه فيني الدنيا وبس ابكي وضايق صدري احس راسي بينفجر والله اني قبل شوي حسيت بشي لف راسي وما اشوف الا سواد مع دوخه مده لاتتجاوز ثواني كل هذا بسبب الضغط النفسي اللي اتعرض له
زوجي مهملني وجاف معي مايتكلم معي ابد الا اذا بغى شي ورامي المسئوليه كلها علي
عيالي اثنين مراهقين تعبوني مره مشاكلهم زادت وولدي الكبير بس يضرب خواته البنات الصغار ومسيطر عليهم وماهو ضارب حساب لي وابوه اذا شكيت له سكت وطنشني والحين بناتي صار بهم خوف مو طبيعي اللي بثاني ابتدائي تتبول على نفسها بالليل واللي عمرها اربع سنوات تبكي زي المجنونه تركض للشغاله اذا ضربها اخوها حتى انا ماتبغاني
تصوروا ان عيالي المراهقين صار لهم سنه ونص مايكلمون بعض عشان مشكله تافهه وكم مره اترجاهم واحاول اتحايل عليهم عشان يتصالحوا ولافيه فايده اخاف يكبرون وقلوبهم تجفا على بعضهم وعلينا ودائما اقول لابوهم صالحهم لاتتركهم كذا يقول اتركيهم بعدين يتصالحوا واوقات يقول احسن عشان الولد الكبير مايتضارب مع اللي اصغر منه وربي تعبوني
نفسيتي تعبت وعندي مولود عمره شهرين واسبوع مسئوليته كبيره وقلق وسهر وتصوروا طلعت من النفاس كم لي عمر ولدي شهرين واسبوع وزوجي ما قربني ولا حتى جاب لي هديه رغم ان حملي كله منومه بالمستشفى
والله العظيم صرت ودي بس انام عشان ما اتذكر شي والنوم مفارقني قلق وسهر وارق وتفكير وبيبي بس يصيح حتى صرت بس اتهاوش مع الشغاله بشكل يومي لدرجة اني ضربتها لانها تستفزني وتجادلني كثير وانا اللي فيني يكفيني
يعني ضغوط نفسيه من كل جهه واهلي بعيدين عني وانا بمدينه بعيده
الله يوفقكم وش اسوي ابي ارتاح تعبت والله اني على وشك الانهيار
ادعوا لي
شاركي في النقاش
سجلي الدخول لإضافة تعليق.
التعليقات
127- الله يفرجك همك ياأختي وييسر أمرك ويعينك
الله بيبدل الحال لاتحزني الدنيا زائله بهمومها واحزانها
أكثري من الإستغفار في كل وقت وأحسني الظن بالحي القيوم - ان شاء تنفرج ,,, تقربي الى الله واستعيني بالصبر والصلاه وادعي الله وتذكري انبياء الله ابتلوا وصبروا استغفري كثير وسبحي ثلاث وثلاثين مره واحمدي الله ثلاث وثلاثين مره وكبري اربع وثلاثين مره والله يعينك وبأذن الله ادعو لك بظهر الغيب
- ربنا يفرج همكي
اهم حاجه وقفي الولد للي بيضرب اخوتو عند حدو
حيكبر وتكبر العاده معاه - لاتضربين الشغاله ياقلبي يمكن هي سبب بلواك احسني معاملتها ..
وتقربي لله مايخذلك
الله يفرج لك ويكفيك همك يارب - اسأل الله العظيم أن يفرج همي وهمك وكل مهموم
حاولي تصادقي عيالك وتتقربي منهم اكثر وتشاركيهم اهتماماتهم ودايم ضميهم لصدرك وحسسيهم بحبك
بعدها يتقبلوا منك كل شي باذن الله
اعتذري من الشغاله واتقي دعوتها
اكثري من الصدقه لو بريال بنية صلاح وهداية ابنائك
الزمي الاستغفار ,,,,,,,,,,
كرري لآحول ولا قوة الابالله .........دواء لكل داء
اسأل الله بمنه وكرمه ان يسخر لك زوجك ويحننه عليك ويصلح شآنكم
ويحفظ ابنائك ويهديهم ويصلحهم ويجعلهم من حفظة كتابه والعاملين به
حآسه فيك اختي
مواضيع مشابهة
تابعي تجارب أخرى من هذا القسم.