سندوتشات الدجاج من مطبخ أهلي بالخطوات المصورة

السلام عليكم ورحمة الله وبركاته
ماشاء الله
أنا الآن عند أهلي زيارة لأن زوجي مسافر يختبر ادعوا له بالتوفيق وانه ينجح ويوفقه ربي فقررت أسوي لأخواني سندوتشات على العشاء لأن الحين اختبارات ولازم يتغذون زين ادعوا لهم بعد هم بالنجاح والتوفيق>>>>شكلي أزعجتكن بكثرة طلباتي
المهم نجي للمقادير
(نصف كيلو صدور دجاج مقطع مربعات صغيرة,فصين ثوم ,ملعقة كبيرة خل أبيض, ملعقة صغيرة عصير ليمون,نص ملعقة صغيرة فلفل أسود ممكن تزيدين لو تبغينها حارة,ملعقة صغيرة بهار كاري ممكن تستغنين عنه اذا ماعندك,ملعقتين كبيرة زبادي مهم لتطرية اللحم)
هذي اللي بين قوس تخلطينها وتنقعينها ساعتين
بصلتين متوسطتين الحجم
حبة طماطم كبيرة
حبة فلفل رومي بارد أخضر
حبة ماجي
بهارات
صلصة صويا حلوة
ملح حسب الرغبة
الطريقة
بعد ماتنقعين الدجاج وهذي صورته أثناء النقع


بعدين تحضرين مقلاة تيفال وتضعين زيت تقريبا ملعقتين كبار وتضعين عليها الدجاج وتحركين لين يصير لونه كذا

ثم تضعين البصل

وتحركين لين يبدأ يذبل


ثم تضفين البهارات أنا حطيت فلفل أسود وماجي وكركم وكاري

ثم الطماطم


وتحركين واذا بدأ يذبل تضفين الفلفل وتحركين

هذي صورة من قريب

ثم صلصة صويا حلوة

وتحركين شوي بس يعني ربع دقيقة

42 تعليق 5,422 مشاهدة

شاركي في النقاش

سجلي الدخول لإضافة تعليق.

التعليقات

42
  1. @mndyl_1

    صاحبة الموضوع
    وتطفين النار
    وفي هذي الاثناء تكونين مقطعة بطاطس مربعات ومقلية وتضفينها نسيت لاصور الخطوة
    وتجهزين خلطة لدهن الصامولي أنا خلطت كاتشاب ومايونيز
    بعد ماتجهزين الدجاج سخنيها شوي بالمايكرويف عشان تسخن شوي لاننا الحين شتاء وبرد

    وهذا شكلها بعد ماحشيناه ماعليش مستعجلة لأن أخوي جوعان واقف فوق راسي ماشاء الله

    وهذا من داخل

    وبالهناء والعافية وأخيرا خلصت تعبت من التحميل:44:
    دعواتكن لاولادي بالهداية

تابعي تجارب أخرى من هذا القسم.